Елімізде көлікке қате есептелген салықты онлайн режимде түзетуге болады

08 Сентября 2020 1022 Авто

Фото:Inform.kz

Алматы. 8 қыркүйек. Ақпараттар орталығы - Салық төлеушілер сатылған автокөлік үшін салық есептелсе немесе көлік құралының дұрыс емес сипаттамаларына байланысты салық дұрыс есептелмеген (қозғалтқыштың дұрыс емес көлемі, көлік құралының дұрыс санаты және т.б. көрсетілген) жағдайда, салық төлеушілер деректерді үйден шықпай-ақ түзете алады, деп хабарлайды Хабар 24.

Мұндай мәселелерді жедел шешу және дұрыс емес ақпаратты түзету үшін түзету қызметі жасалды. Ол онлайн режимде түзетуге, оның ішінде көлік құралының сипаттамаларын өзгертуге, көлік құралының иеліктен шығуына байланысты дерекқордан шығаруға және т.б. өтініш беруге мүмкіндік береді. Бұл қызметті Е – Salyq мобильді қосымшасының «Салық әмияны» арқылы пайдалануға болады, оны App Store және Play Market-тен жүктеуге болады. Интерфейсте сату туралы құжаттарды немесе автомобильдің дұрыс деректерін қосу жеткілікті. Бірнеше күн ішінде ақпарат түзетіледі. Сондай-ақ e-Salyq мобильді қосымшасында жол полициясы органдарында тіркеу есебінде тұрған көлік құралдары бойынша деректерді қарау мүмкіндігі бар. Төлеуге жататын көлік салығы сомасын Мемлекеттік кірістер комитетінің www.kgd.gov.kz порталы, EGOV электрондық үкімет порталы арқылы, сондай-ақ, тұрғылықты жері бойынша мемлекеттік кірістер органдарының аудандық басқармаларында білуге болады. Көлік құралдарына салынатын салық бойынша берешектің бар сомасы туралы мәліметтерді ұсыну мақсатында ҚР ҚМ Мемлекеттік кірістер комитеті екінші деңгейдегі банктердің («Каспи банк» АҚ, «Халық банк» АҚ) мобильдік қосымшалары арқылы борышкерлердің мекенжайына хабарлама жіберу жоспарлануда. Аталған банктердің мобильдік қосымшаларын пайдаланушыларға көлік құралдарына салынатын салық бойынша берешек сомалары туралы хабарлама жіберіледі. Пайда болған берешек бойынша анықтамалық ақпарат алу үшін жеке тұлғалар Бірыңғай байланыс-орталығының 1414 тегін телефон нөмірі бойынша жүгіне алады.

Источник: Хабар 24

читайте также