Қазақстан Латвияға тұз бен құрылыс қоспаларын жеткізуді жоспарлап отыр

22 Июня 2016 2206 Қазақстан, Латвия, тұз, құрылысқоспалары, экспорт

Алматы. 22 маусым. Ақпараттар орталығы. Қазақстан Латвияға тұз бен құрылыс қоспаларын жеткізуді жоспарлап отыр, деп хабарлады ҚР инвстиция және даму министрлігінің "KAZNEX INVEST" Экспорт және инвестиция жөніндегі ұлттық агенттігі.

Ригада "KAZNEX INVEST" пен Рига Думасының қалалық даму комитетімен бірге ұйымдастырған қазақстандық өндірушілердің сауда миссиясы өтті.

Электровоздарды, ілмекті жұмыр арматураны, құрғақ құрылыс қоспаларын, шере, кабельді-өткізгіштік өнім, дәрі-дәрмек пен медициналық мақсаттағы бұйымдарды, минералды тыңайтқыштар, ас тұзын өндіретін 12 кәсіпорын-өндіруші Латвияның 100-ден астам көтерме бағамен сатып алушыларымен және дистрибьюторлық компанияларымен аталмыш елге осы тауарларды жеткізу мүмкіндігі туралы келіссөздер өткізді.

Бұған қоса Латвияның денсаулық министрлігінде, жер ісі министрлігінде қазақстандық өнімді сертификаттау және тіркеу тақырыбында кездесулер ұйымдастырылды. ALSTOM компаниясының технологиясы бойынша Қазақстан зауытында құрастырылған жүк магистралды және көлік электровоздары Латвияның хабарлау министрлігінің басшылығы мен «Латвия темір жолдары» МАҚ басшылығына таныстырылды.

«Біз үшін аталмыш шараға қатысу - Еуропаға экспорт жасаудың әлеуетті мүмкіндігі. Біздің компания РФ нарығына сәтті экспорттап келеді, қазіргі таңда біз Латвия нарығына шығу туралы келіссөздер жүргізіп жатырмыз, жылына 3,2 млн еуроға жуық сомаға жылдық көлемі 72 вагон болатын ас тұзын жеткізу туралы келісімге қол жеткіздік», - деді Евгений Король, тұз өндіретін компанияның коммерциялық директорының орынбасары.

«Латвия нарығында біздің өнім бәсекеге қабілетті және сұранысқа ие, соның ішінде "Premium" сегментінде, қазір сынамалық партиясын дайындап жатырмыз, ары қарай Латвия арқылы басқа да Балтық елдеріне шығуды, Латвия арқылы Африкаға 1,5 млн еуроға жылдық көлемде 48 вагонын жеткізуді жоспарлап отырмыз», - деді құрғақ құрылыс қоспаларын шығаратын компанияның директоры Алмазбек Таштаналиев.

Бүгінгі күні Қазақстанның Латвиямен сыртқы тауар айналымы 2015 жылы 161,2 млн АҚШ долларын құрады, соның ішінде Қазақстанның Латвияға экспорты 121,1 млн доллар.