ҚДБ-Лизинг ислам лизингі жағдайында алғашқы келісімді қаржыландырды

25 Февраля 2016 1680 Вагон-Цистерналар, ИсламЛизингі, Исткомтранс, ҚДБ-Лизинг

Алматы. 25 ақпан. Ақпараттар орталығы. «ҚДБ-Лизинг» АҚ «Исткомтранс» ЖШС теміржол жүк тасымалдарын ұйымдастыру үшін вагон-цистерналарды жеткізу бойынша жобаның ұзақ мерзімді лизингтік қаржыландыруын — 10 жылға дейін — бастады, деп хабарлады Қазақстан Даму Банкінің баспасөз қызметінен.
«Көлемі 1,1 млрд теңгеден асатын келісім ислам лизингі — «Иджара» шарттары бойынша «ҚДБ-Лизинг» қаржыландырылған алғашқы жоба. Аталмыш келісімді ұйымдастыруға арналған қорландыру көзі «Қазақстанның Даму банкінің» 2012 жылы ТМД елдерінің эмитенттері үшін дебюттік «Сукук» ислам облигацияларын шығару барысында тартылған қаражаты болды», — делінген хабарда.
Хабарда түсіндірілгендей, Иджара мүлікті (жылжитын және жылжымайтын) алдын ала келісілген төлемдер сомасымен белгілі бір мерзімге лизингке беру болып табылады. Лизинг заты, мысалға, жабдық мүлікті сақтандыру және оны тиісті күйде сақтау бойынша барлық шығындарды көтеретін лизинг берушінің меншігінде қалады. Мүлік жарамсыз болған жағдайда лизинг алушы төлем төлеуді тоқтатады.

Хабарда айтылғандай, Жоба аясында «Исткомтранс» ЖШС қайтару лизингі шарттары бойынша сұйытылған көмірсутекті газдарды ішкі, халықаралық және транзиттік қатынастарда тасымалдауға арналған 113 вагон-цистерна сатып алады. Цистерналар Қазақстанның климаттық және географиялық ерекшеліктеріне сәйкес келетін жетілдірілген техникалық және пайдалану сипаттамаларына ие.
«Осылайша, аталған келісім жаңа мүмкіндіктерге жол ашып, Қазақстанда ұзақ мерзімді инвестициялық жобаларды қаржыландыру мақсатында қаржы секторындағы исламдық өнімдер мен қызметтердің кең ауқымын енгізуге негіз болады», — деді «ҚДБ-Лизинг» АҚ басқарма төрағасы Алексей Боев.