World Press Photo-2014 атты халықаралық конкурс жеңімпаздарының көрмесі

18 Декабря 2014 916

2014 жылы 21 желтоқсан күні сағат 15:00-де Қазақстан Республикасы мемлекеттік Ә. Қастеев атындағы өнер мұражайында (Көктем-3, 22-1) World Press Photo-2014 халықаралық көрмесінің ашылу салтанаты өтеді, деп хабарлайды «MediaNet» ХЖО.

Онда фотожурналистика саласындағы ең беделді World Press Photo-2014 конкурсының жеңімпаздары ұсынған 140 жұмыс көрме экспозициясына қойылады.

Көрменің ашылу салтанатында алғы сөз World Press Photo көрмесінің ұйымдастырушылар алқасы мен Қазақстандағы дипломатиялық өкілдік мүшелеріне беріледі.

World Press Photo – фотожурналистика саласындағы халықаралық көрме. Жыл сайын БАҚ-ы кәсіби фотографтар мен фоторедакторлардан құралған халықаралық тәуелсіз әділ-қазылар алқасы тоғыз категория бойынша әлемнің түкпір-түкпірінде газет-журналдар мен агенттікте жарияланған үміткерлердің жұмысын бағалайды.

Олар екі аптада әлемнің 124 мемлекетінен жиналған 5 666 автордың 103 мың суретін қарап шықты. Ал, 2014 жылдың ақпан айында Амстердамда конкурс финалы 57-рет өткізілген.

Конкурс қорытындысы жарияланған соң, әлемнің маңызды оқиғаларынан хабар беретін жеңімпаз-жұмыстар екі ай бойы Амстердамда көрсетілді. Одан кейін көрме әлемді аралауға аттанады. Орта есеппен алғанда, жыл сайын көрмені 2 миллионға жуық адам тамашалайды.

Бұл жылы аталмыш көрме 45 мемлекетте, 105 сурет галереясы мен мұражайларда таныстырылады.

Көрме Орталық Азия елдерінде екі рет, 2014 жылы желтоқсан айында Астана және Алматы қалаларында өтеді. Ал 2015 жылдың қаңтар айында Бішкек қаласына жол тартады.

WorldPressPhoto – Нидерланд Корольдығы ханзадасының қамқорлығымен 1955 жылы құрылған тәуелсіз мемлекеттік емес ұйым. Ол әлемдік тәуелсіз фотожурналистика саласында еркін ақпарат алмасу үшін жұмыс жасап келеді.

WorldPressPhoto ұйымы DutchPostcodeLottery (Голландтық почта лотереясы) қолдауымен жұмыс істейді. Ал, көрменің дүние жүзі бойынша демеушісі — Canon компаниясы.

Көрме Қазақстанға Нидерланд Корольдығы, Еуропалық Одақ, Ұлыбритания және Канада дипломатиялық өкілдіктерінің қолдауымен жеткізілді.

Көрме Алматы қаласында Ә. Қастеев атындағы өнер мұражайында 2014 жылдың 21-31 желтоқсан аралығында халық назарына ұсынылады.