Ақтөбе облысында 2015 жылы 21 000 адам жұмысқа орналасты

12 Февраля 2016 1480 АқтөбеОблысы, ЖұмысқаОрналастыру

Алматы. 12 ақпан. Ақпараттар орталығы. Ақтөбе облысында 2015 жылы мемлекеттік бағдарламаны жүзеге асыру аясында 21 000-дай адам жұмысқа орналасты, деп хабарлады әлеуметтік бағдарламалар және жұмыспен қамтуды үйлестіру басқармасына сілтеме жасаған облыс әкімінің баспасөз қызметінен.

Хабарда айтылғандай, жұмыссыздықтың өсуіне жол бермеу үшін өңірде тұрғындарды жұмыспен қамтуға ықпал ету бойынша кешенді жоспар әзірленген. Құжат жұмыс орындарын ашуды, «Бизнестің жол картасы 2020», «Өңірлерді дамытудың бірыңғай бағдарламасы», «Саламатты Қазақстан», «ЖҚЖК 2020» секілді мемлекеттік және салалық бағдарламаларды жүзеге асыру арқылы жұмыссыздар мен өз-өзін жұмыспен қамтығандарды қайта оқытуды қарастырады.

«2015 жылы Кешенді жоспарға сәйкес 16 151 адамды жұмысқа орналастыру жоспарланды, алайда дерек бойынша жоспар 129,6%-ға орындалды. Жалпы жұмыспен қамтуға ықпал ету шаралары арқылы 20925 адам қамтылған, соның ішінде тұрақты және уақытша жұмыс орындарына 19790 адам. Олар тек тұрақты жұмыс орындарына тұрып қана қойған жоқ, жаңа мамандықтарды да игерді, бұл оларға еңбек нарығында сұранысқа ие болуға мүмкіндік береді», —деді Ақтөбе облысы әлеуметтік бағдарламалар және жұмыспен қамтуды үйлестіру басқармасының басшысы Алтынбек Әмірғалиев.

Оның айтуынша, «Жұмыспен қамтудың жол картасы 2020» бағдарламасына 3791 адам қатысты, оның ішінде 2387 жұмыссыз бен 1404 өз-өзін жұмыспен қамтушылар бар. Бұл ретте 29 жасқа дейінгі жастар үлесі 50,1% (1899 адам).

Жұмысқа орналасу мүмкіндігі туралы тұрғындарды ақпараттандыру мақсатында облыста 66 бос орындар жәрмеңкесі өтті. Оның қорытындысы бойынша 2037 адам тұрақты жұмысқа орналасты, 656 адам қоғамдық жұмыстарға жіберілді, 424 адам әлеуметтік жұмыстарға жіберілсе, 310 ақтөбелік жастар тәжірибесіне жолдама алды.

Тұрғындарды жұмыспен қарқынды түрде қамту бойынша қабылданған шаралар нәтижесінде өңірдегі жұмыссыздық деңгейі төмен болып отыр (4,8%).

«Облыс бойынша тұрғындарды жұмыспен қамтуға ықпал етуде кешенді жоспарды жүзеге асыру жұмыстары ағымдағы жылы да жалғасын табатын болады», — деді ведомствода.