Астанада шамамен тоғыз мыңға жуық тұрақ орны ақылы болады

13 Мая 2016 1517 Астана, автотұрақ, ақы

Алматы. 13 мамыр. Ақпараттар орталығы. Қазіргі кезде орталық көшелер мен даңғылдарда 9 мыңға жуық тұрақ орнын қамтитын 259 тұрақ орны белгіленді

Хабарда айтылғандай, үстіміздегі жылдың ІІ тоқсанында «Астананың тұрақ кеңістігін басқару» жобасын енгізу жоспарланған.

«Көліктік талдау қорытындысы бойынша бүгінгі таңда елордада қарбалас уақытта тұрақ орындарына түсетін жүктеме 165% құрайды. Ал осы кездегі паркингтер жүктемесі - 64%», - делінген қала әкімдігінің хабарында.

Хабарда түсіндірілгендей, Тұран, Қабанбай батыр, Сарыарқа, Республика, Жеңіс, Бөгенбай батыр даңғылдары мен Достық, Әуезов, Желтоқсан, Кенесары, Сығанақ, Сейфуллин, Бөкейхан, Түркістан, Бейбітшілік, Сарайшық және т.б. көшелердегі тұрақтар ақылы болады.

Астананың тұрақ кеңістігін басқару» жобасы екі аймақтан тұратын болады. Бірінші аймаққа Республика даңғылы – Бөгенбай батыр даңғылы – Сарыарқа даңғылы– Есіл өзенінің жағалауы шегінде орналасқан тұрақтар жатады. Екінші аймақ Орынбор – Сарайшық – Тұран – Сығанақ көшелерінде орналасқан тұрақтарды қамтиды.

Тұрақ орындары жетпеген жағдайда күрделі көп деңгейлі паркингтер салу, сондай-ақ, автоматтандырылған тұрақтар жасау көзделген.

«Астананың бірыңғай тұрақ кеңістігін құру көше-жол желісіне түсетін жүктемені азайтып, жаяу жүргіншілердің, қоғамдық көліктер мен автомобильдердің қозғалысын жеңілдетеді», - деп атап өтті қалалық әкімшілік.

Көлік құралдары көп жүретін жерлерде ақылы тұрақтар жасау әлемдік тәжірибеде қолданылатын жол қозғалысы ережелерін бұзу жағдайларын азайту және кептелістерді болдырмау бойынша тиімді шаралардың бірі болып табылады, деп санайды әкімдік