Бір жылда Қазақстан халқының саны 257 мың адамға өсті

18 Мая 2016 1303

Алматы. 18 мамыр. Ақпараттар орталығы. 2016ж. 1 наурызға еліміздегі халық саны 17 млн 733 мың 200 адамды құрады, бұл өткен жылдың сәйкес кезеңімен салыстырғанда 257,1 мың адамға көп.

ҚР Ұлттық экономика министрлігінің ақпарынша, 2016ж. 1 наурызға еліміздегі халық саны 17733,2 мың адамды құрады, соның ішінде қалалықтар – 10113,8 мың немесе 57%, ауылдықтар – 7619,4 мың адамды немесе 43% құрады.

Жалпы 2015 жылғы 1 апреля салыстырғанда халық саны 257,1 мың адамға немесе 1,47% өсті.

Хабарда айтылғандай, ағымдағы жылы қаңтар-наурызда туылғандар саны 99,4, бұл 2015ж. қаңтар-ақпанға қарағанда 7,9% көп. Туудың жалпы коэффициенті 1000 адамға 22,47 туылғандарды құрады.

Қарастырылып отырған кезеңде қайтыс болғандар саны 34,4 мың адамды құрады, бұл 2015ж. қаңтар-наурызға қарағанда 3,6% көп. Өлім-жітімнің жалпы коэффициенті 1000 адамға 7,78 қайтыс болғандарды құрады.

2016ж. қаңтар-наурызда республика халқының табиғи өсімі 2015ж. қаңтар-наурызбен салыстырғанда 6,1 мың адамға немесе 10,4% көбейіп, 65 мың адамды құрады. Табиғи өсімнің жалпы коэффициенті 1000 адамға шаққанда 14,69 адамды құрады.

2016 жылғы қаңтар-наурызда республикада 1 жасқа дейінгі 1033 (847) нәресте өлімі тіркелді. 2015 жылғы қаңтар-наурызбен салыстырғанда 1 жасқа дейінгі шетінеген нәресте саны 22% көбейді.

2016 жылғы қаңтар-наурызда нәресте өлім-жітімінің коэффициеті 1000 туғандарға шаққанда 10,39 құрады.

«Нәресте өлім-жітімінің негізгі себебі - перинаталдық кезеңде пайда болатын жағдайлар, бұдан 2016 жылғы қаңтар-наурызда 551 (444) нәресте қайтыс болып, нәрестелер арасындағы жалпы өлім санының 53,3% (52,4%) құрады», - деп атап өтті министрлікте.

Туа біткен ауытқулардан 217 немесе 21%, тыныс органдары ауруларынан – 91 немесе 8,8% және жазатайым жағдайдан, уланудан және жарақаттан - 39 немесе 3,8% нәресте қайтыс болды.

Сонымен қатар, ведомство ақпарынша, 2016 жылғы қаңтар-наурызда елімізге тұрғылықты тұруға келгендердің тіркелу саны 2015 жылғы қаңтар-наурызбен салыстырғанда 26,7% кеміп, 3053 адамды құрады. Елімізден кеткен көшіп-қонушылардың тіркелу саны 20,3% көбейіп, 5434 адамды құрады, көші-қонның айырымы -2381 адам болды.

Еліміздегі негізгі көші-қон алмасуы ТМД мемлекеттерімен болуда. ТМД елдерінен келгендердің және сол елдерге кеткендердің үлесі, тиісінше, 75,2% және 87,7% құрады.