Маңғыстау облысында 180 күнге сұйытылған газ нарығына уақытша баға реттеу енгізіледі

23 Июня 2016 1887 Маңғыстауоблысы, сұйытылғангаз, бағареттеу

Алматы. 23 маусым. Ақпараттар орталығы. Маңғыстау облысында 180 күнге сұйытылған газ нарығына уақытша баға реттеу енгізіледі, деп хабарлады ҚР ҰЭМ табиғи монополияларды реттеу және бәсекелестікті қорғау комитетінен.

ҚР Ұлттық экономика министрлігі Маңғыстау облысында 180 күнге сұйытылған газ нарығына уақытша баға реттеу енгізеді.
хабарда айтылғандай, Ұлттық экономика министрлігінің осындай шешіміне газдың тапшылығынан болған және онымен байланысты өңірдегі әлеуметтік-экономикалық жағдайдың ушығу тәуекелімен байланысты сұйытылған газға уақытша мемлекеттік баға реттеуді енгізу қажеттілігі туралы Энергетика министрлігі мен Маңғыстау облысы әкімдігінің өтініші негіз болды.

Әкімдік ақпарынша, облыс сұйытылған отын газын ірі тұтынушылардың бірі болып табылады. Бұл ретте үстіміздегі жылғы мамырда газға қажеттілік күрт – 2 есеге өсті. Бүгінгі күні облыста автокөліктің шамамен 179 мың бірлігі тіркелген, олардың негізгі үлесі - 64% немесе 115 мың бірлігі сұйытылған газды пайдаланады.

Автогаз құю станцияларының (АГҚС) саны 202, ал сұйытылған газды өткізетін дара кәсіпкерлер -170 құрайды.

«Газ тапшылығының туындауы алдымен отынға өскен қажеттілікпен байланысты. Сонымен, егер бұрын ішкі (жергілікті) нарық айына 6,5 мың тонна тұтынса, онда үстіміздегі жылғы мамырда газға қажеттілік 12 мың тоннаға дейін отынға өсті, бұл «ҚазҚӨЗ» ЖШС барлық өндіргенінен 90 %», - деп атап өтті комитетте.

Қазіргі кезде ішкі нарық үшін «ҚазҚӨЗ» ЖШС ҚР Энергетика министрлігі бекіткен бағамен газды 1 тоннасы 28 000 теңге өндірістік өзіндік құны кезінде (1 литрі 15 теңге) 1 тоннасы 11 033,91 теңге (1 литрі 6,1 теңге) (ҚҚС-сыз) мөлшерінде өткізеді, бұл кәсіпорын үшін залал болып табылады.

Осылайша, автогаз құю және (немесе) автожанармай құю станцияларында автокөлікке жанармай құю үшін сұйытылған мұнай газын бөлшек саудада өткізуге шекті баға:

Бейнеу ауданында – 1 литрге 45 теңге (бұдан әрі – ҚҚС); өзге аудандарда, Ақтау және Жаңаөзен қалаларында – 1 литрге 35 теңге (ҚҚС - мен) құрайтын болады

«ҚазҚӨЗ» ЖШС ішкі нарықта сұйытылған мұнай газын көтерме саудада өткізуге шекті баға тоннасына 28 000 теңге (ҚҚС-сыз) құрайтын болады.

«Бұл ретте шекті баға – кәсіпкерлерге сұйытылған газды кез-келген, бірақ белгіленген шектерден жоғары емес бағамен сатуға мүмкіндік береді», - деп түсіндірді ведомствода.

Маңғыстау облысында сұйытылған газға уақытша мемлекеттік баға реттеу 2016 жылғы 24 маусымнан бастап енгізіледі.
Тұтастай алғанда ашық тариф белгілеуді пайдалануға шаралардың бағыттылығы газға объективті бағаны айқындауға мүмкіндік береді, деп санайды комитетте.