Оңтүстік-корейлік дәрігер Ақтөбеде шебер-класс өткізді және 6 күрделі ота жасады

19 Февраля 2016 1810 Ақтөбе, Дәрігер, ОңтүстікКорея, Ынтымақтастық

Алматы. 19 ақпан. Ақпараттар орталығы. Оңтүстік корейлік емхана профессоры Ганагнам Северанс, дәрігер Чанг Хэнг Сеока екі күн ішінде Ақтөбеде қалқанша без жұмысы бұзылған 6 адамға ота жасады, деп хабарлады Ақтөбе ақпарат.

Хабарда айтылғандай, оталар арасында профессор науқастарды қабылдап, оларға кеңес берді. Шебер-класс барысында дәрігер әр түрлі аруы бар 60-тан астам адамды қабылдады.
Оңтүстік корейлік маман бұған дейін Ақтөбе облысы әкімдігі мен Оңтүстік Корея Ганагнам Северанс емханасымен арада жасалған ынтымақтастық туралы меморандумның арқасында келіп отыр. Меморандум, сонымен қатар, Ақтөбеде бүкіл Батыс Қазақстан мен Қызылорда облыстарындағы тұрғындарға қызмет көрсетуді қамтамасыз ете алатын медициналық кластер қалыптастыру бойынша ірі жобаны жүзеге асыруға бағытталған. Осыған ұқсас келісімдер бұған дейін Түркия, Ресей және Израиль өкілдерімен қол жеткізілген болатын.
Ақтөбе облысының әкімі Бердыбек Сапарбаев оңтүстік корейлік хирургпен кездесу барысында білікті мамандарды дайындау медициналық кластер қалыптастырудың басты міндеті болып табылатынын және әкімдік бұл мәселеде Ганагнам Северанс емханасының қолдауына үмітті екенін жеткізді.
«Біз біздің дәрігерлеріміздің сіздің деңгейдегі мамандардың білім мен тәжірибесін игеруіне мүдделіміз», — деп атап өтті әкім.
Өз кезегінде, профессор Чанг Хэнг Сеока өзіне білдірілген сенімге алғыс білдіріп, ақтөбелік әріптестермен үнемі тәжірибе алмасуға дайын екенін айтты.
Сонымен қатар, өңір басшысы барлық Азия-Тынық мұхиты өңірлерінен медицина саласындағы жетекші ғалымдар мен мамандардың қатысуымен ғылыми-тәжірибелік конференция ұйымдастыруды ұсынды. Бұл конференция ағымдағы жылы өтуі мүмкін.