Патриоттық сезім әр жанның бойынан табылады

20 Мая 2024 981 Культура

Алматы. 20 мамыр. Ақпаратар орталығы - 30 сәуір күні тарихқа бай, қасиетті мекен Есік қаласында «Патриотизм - рухани жаңғырудың берік іргетасы» атты жас патриоттар академиясының республикалық II форумы өтті. Іс-шараға еліміздің түкпір-түкпірінен келген, атап айтқанда Абай, Қарағанды, Алматы, Ұлытау және Жетісу облыстарынан өкілдер қатысты.

Патриотизм – Отанға, туған жерге, өзінің мəдени ортасына деген сүйіспеншілік. Бүгінгі еліміздің тәуелсіздігінің нығаюы мен дамуының обьективті шарттарының бірі – ол осы отандық патриотизм. Бұл ұлы сезім жастық шақтан бастау алады. Адамның бойындағы күш-қуаты мен білімін Отан игілігі мен мүддесіне жұмсау, туған жерін, ана тілін, елдің əдет-ғұрпы мен дәстүрін құрмет тұту сияқты патриоттық құндылықтар тал бесіктен бойымызға сіңе бастайды.

Осыған орай, форум аясында әскери-патриоттық клубты көбейту мақсатында 2024-2025 оқу жылында Басқұншы ауылымыздың Крылов атындағы орта мектеп оқушыларынан «Жас шекарашылар» сыныбын ашу ұсынылды. Мақсаты - туған жер бағдарламасы аясында өскелең ұрпақты патриоттық рухта, ұлттық құндылықтарды ұлықтай білуге тәрбиелеу.

Жас ұрпақ - жарқын өмірдің негізі болу керек. Ал ол үшін жас патриоттарды тәрбиелеудің маңызын жоғалтпаған абзал. Өскелең ұрпақты елін, жерін сүюге баулуды, қамқор болуға тәрбиелеуді мақсат еткен академияның қатары жылдан-жылға артып келеді.

Бүгінде академияның үш мыңнан астам мүшесі бар. Бұл патриоттық рухты жастарды тәрбиелеудің маңызы зор екенінің бірден-бір дәлелі.

Бұдан бөлек, іс-шара барысында Басқұншы ауылымыздың Крылов атындағы орта мектеп директоры Мөлдір Ержанқызы Кощегулова, әскери дайындық пәнінің мұғалімі Хамиз Серғалиұлы Еспембетов Алғыс хатпен марапатталса, облыстық, республикалық байқауларда жетістікке жетіп, қатарластарына үлгі болып келе жатқан озат оқушы Салин Альмина Сәкенқызына «ҚР жас патриот» медалі табысталды.

Форум соңында қатысушылар да өз ойларын еркін ортаға салып, пікірлерімен бөлісті.

Автор: Катаева Кульжан Айтбаевна, «Крылов атындағы орта мектеп» КММ-ң математика пәнінің мұғалімі

читайте также