Қазақстан мен Сауд Арабиясы экономикалық ынтымақтастықты кеңейтеді

18 Мая 2016 2160 Қазақстан, СаудАрабиясы, экономика, ынтымақтастық

Алматы. 18 мамыр. Ақпараттар орталығы. Қазақстан Республикасы Үкіметі мен Сауд Арабиясы Корольдігінің Үкіметі арасындағы конвенцияны ратификациялау экономикалық ынтымақтастықты кеңейтуге мүмкіндік береді, деп хабарлады ҚР қаржы министрі Бахыт Сұлтановқа сілтеме жасаған премьер-министрдің сайты.

«ҚР Үкіметі мен Сауд Арабиясы Корольдігінің Үкіметі арасындағы табысқа салынатын салықтарға қатысты қосарланған салық салуды болдырмау және салық салуға жол бермеу туралы конвенцияны және оған хаттаманы ратификациялау» біріншіден келісіп жатқан мемлекеттердің резиденттері болып табылатын заңды және жеке тұлғалардың табыстарына қосарланған салық салуды алып тастауға мүмкіндік береді», - деді Б.Сұлтанов Мәжілістегі алқа отырысы барысында.

Министр нақтылағандай, салық төлеушіге салықты келіскен мемлекеттердің біреуінде ғана бір-ақ рет төлеуге мүмкіндік береді. Ал, екінші мемлекет оған салықтың төленген сомасына есептеу береді.

Бұдан өзге, оның айтуынша, конвенцияны ратификациялау инвестиция салуға қолайлы жағдай жасау арқылы Қазақстан мен Сауд Арабиясы арасындағы экономикалық ынтымақтастықты кеңейтуге мүмкіндік береді.

Сонымен қатар, екі елдің құзіретті органдары арасында салық мәселелері бойынша ақпарат алмасу арқылы салықтық жалтарулардың алдын алу бойынша мәселелер шешіледі.

«Конвенцияның жеке бөлімінде келісіп жатқан мемлекеттерде қызмет ететін спортшылардың, мемлекеттік қызметкерлердің, студенттердің, оқытушылардың, зерттеушілердің табыстары мен өзге де төлемдеріне салық салу тәртібі көрсетіледі», - деді министр.

Оның айтуынша, Қазақстан мен Сауд Арабиясы арасындағы тауар айналымы соңғы 10 жылда 268 млн долларды құраған. Ал 2015 жылы бұл 16 млн долларды құрады. Қара металлдан жасалған бұйымдар, тазартылған мыс және темір қоспалары еліміздің экспортының негізгі бағыттары болып табылады. Ал импорт құрылымында дәрілік заттар мен басқа да бұйымдар басымдыққа ие. Соңғы 10 жылда Сауд Арабиясынан Қазақстанға инвестиция 94 млн долларды құраған, оның ішінде былтырғы жылы 8 млн АҚШ долларды құрады.