KEGOC, Қазақстан Республикасы Біртұтас электр энергетикалық жүйесінің (БЭЖ) Жүйелік  операторы, баспасөз қызметінің хабарлаунша, 2014 жылы Ресейге электр энергиясының сальдо-ағыны 1515,6 млн.кВтсағ. құрады: 2060,8 млн.кВтсағ. экспортқа шығарылды, 545,2 млн.кВтсағ. импортталды.

Жалпы жедел деректер бойынша 2014 жылы Қазақстанда өндірілген электр энергиясы 93918,5 млн.кВт.сағ. құрады, бұл 2014 жылғы осындай көрсеткіштен (91972,7 млн.кВтсағ.) 1945,8 млн.кВтсағ. немесе 2,1 %-ға жоғары.

Елімізде электр тұтыну көрсеткіші 2013 жылмен салыстырғанда 2014 жылы 1991,7 млн.кВтсағ. немесе 2,2%-ға артты және 91632,5 млн.кВтсағ. құрап отыр. Тұтыну көлемі Қазақстанның Біртұтас электр энергетикалық жүйесінің (БЭЖ) Батыс аймағында 700,5 млн.кВтсағ. (6,8%), Оңтүстікте 1227,9 млн.кВтсағ. (6,6%) және Солтүстік аймағында 63,3 млн.кВтсағ. (0,1%) артты.

Қазақстан БЭЖ бойынша қуатты пайдаланудың ең жоғары көрсеткіші 2014ж. 28 қарашада сағат 19:00-де тіркелді және ол 13 586 МВт құраған. Бұл көрсеткіш 2013 жылмен (27 желтоқсан 2013ж., 19:00 сағат) салыстырғанда 487 МВт немесе 3,7%-ға артқаны байқалады.

Қазақстанның оңтүстігіндегі электр энергиясына деген артып келе жатқан сұранысты қамтамасыз ету, сонымен қатар ҚР БЭЖ қызметінің сенімділігін арттыру мақсатында, «KEGOC» АҚ 2014 жылы ұзындығы 1500 км астам 500кВ «Солтүстік-Шығыс-Оңтүстік» транзиті жобасын іске асыруға кіріскенін атап өткен жөн.

Соңғы 5 жыл ішінде республикада жиынтық қуаты 1800 МВт болатын өндіру қондырғылары жаңғыртылды, қайта қалпына келтірілді және пайдалануға берілді.

«Ұлттық маңызы бар блокты электр станцияларының  энергетикалық блоктарындағы авариялық ажыратулар саны айтарлықтай азайды. 2010 жылы Екібастұз МАЭС-1, Екібастұз МАЭС-2 және «ЕЭК» АҚ электр станциясында 120 авариялық ажыратулар тіркелді, 2014 жылы бұл көрсеткіш екі есеге азайып, 66 авариялық оқиға анықталған» — деп мәлімдейді компания баспасқз қызметі.