Қазақстандық дәрігерлер жедел медициналық жәрдем көрсетуде білімі мен машығын дәлелдеуі тиіс

19 Марта 2015 874

Жоғары, бірінші және екінші дәрежедегі біліктілік санатын алудан үміткер қазақстандық дәрігерлер тәжірибелік машығын және білімін бағалау барысында жедел медициналық көмек көрсетудегі машығын паш етуі тиіс, деп хабарлайды ҚР Денсаулық сақтау және әлеуметтік даму министрлігі.

Бірінші және екінші санатты иелену үшін анафилактикалық есеңгіреу кезінде жедел жәрдем көрсетудегі машығын көрсету керек болады. Өткір жүрек қан тамыры синдромы кезінде көмек көрсету, жүрек кенет тоқтап қалған кезде көмек көрсету, базалық жүрек — өкпе жан сақтау шаралары, жоғары тыныс алу жолдарына (коникотомия) бөтен зат тұрып қалған кезде көмек көрсету.

Терапевт, хирург, акушер-гинеколог, стоматолог және өзге бейінді дәрігерлерге жоғары санат алу үшін: клиникалық тапсырманы (клиникалық жағдай) қолдана отырып, зертханалық және аспаптық көрсеткіштерді (рентген-сурет, ЭКГ, УДЗ, зертханалық сараптамалар) талдау.

Өткір жүрек қан тамыры синдромы кезінде көмек көрсету арнайы оқытылған және берілген тапсырмаға сәйкес клиникалық жағдайды көрсететін «стандартты пациенттің» қатысуымен өткізіледі.

ҚР Денсаулық сақтау және әлеуметтік даму министрлігі 2015 жылы менеджерлер мен денсаулық сақтау ұйымдастырушыларынан өзге дәрігерлер үшін білімі мен тәжірибелік машығын бағалау шарасын енгізу жұмыстарын жалғастыруда.

2014 жылдың екінші жарты жылдығында өткізілген бағалау нәтижелері бойынша біліктілік санатын көрсетуге үміткер дәрігерлер үшін емтихан материалдары қайта қаралып, жетілдірілген.

Жоғары, бірінші және екінші санаттан үміткерді бағалау тәуелсіз сарапшылар, жоғары санатты, ғылыми атағы бар, арнайы оқудан өткен дәрігерлердің қатысуымен өткізілген.

Өткен жылдың 4 тоқсанында 2079 дәрігер бағалаудан өтіп, олардың 1653-і (79%) емтиханды сәтті тапсырды. 2015 жылғы 1 тоқсанда сынақтан өткен 1916 дәрігердің 1423-і (74%) емтиханнан сүрінбей өтті, деп хабарлайды министрлік.