ҚазТАГ пен Матаевты тәртіпке шақыру керек деп шешіпті

ҚазТАГ пен Матаевты тәртіпке шақыру керек деп шешіпті — «Әділ сөз» басшысы

22 Февраля 2016 1756 Айыптау, Матаев, ҚазТАГ

Алматы. 22 ақпан. Ақпараттар орталығы. «Әділ сөз» халықаралық сөз бостандығын қорғау қорының президенті Тамара Калеева Ұлттық баспасөз клубының басшысы Сейтқазы Матаевты ақшаны жымқырған деп айыптаудағы мақсат — бақыланбайтан БАҚ-ты тәртіпке шақыру деп санайды. Алматы қаласының сыбайлас жемқорлыққа қарсы қызметі елімізге белгілі журналист және ҚазТАГ агенттігінің басшысы Сейтқазы Матаев басқаратын «Ұлттық баспасөз клубы» қоғамдық бірлестігін үш миллионнан астам теңгені жымқырған деген айып бойынша қылмыстық іс қозғады.

Ұлттық баспасөз клубында құқық қорғаушы Тамара Калеева мен «Қазақстан журналистер одағы» басқармасының мүшесі Ермұрат Бапидің қатысуымен баспасөз-мәслихаты өтті. Матаевтың өзі түсініктеме беру үшін бүгін ертеңгісін ұсталғандықтан брифингке қатыса алмады.
«Әділ сөз» президентінің пікірінше, ҚазТАГ агенттігі елдегі биліктің бақылауында жоқ аз ғана БАҚ-тың бірі, оны айыптау себебі де осы болуы мүмкін.
«Қоғамды қызықтыратын, бірақ билікке онша ұнай қоймайтын жарияланымдар болды. Ол «Оңай» жүйесі, зейнетақы жинақтарының тағдыры, алдағы парламент сайлауы секілді. Бәз біреулер ҚазТАГ тым еркінсіп кетті, тым тәуелсіз болып кетті, сондықтан оның тізгінін тартып қою керек», — деп шешсе керек», — деп санайды Т. Калеева.
Құқық қорғаушы сонымен қатар, біреулердің Алматыдағы ұлттық баспасөз клубы орналасқан ғимаратты, Астанадағы журналистер үйін және ҚазТАГ агенттігінің өзін иемденгісі келетіндердің болуы мүмкін екенін де жоққа шығармайды.
«Біздің қаржы полициясындағы дерек көздеріміз ешқандай да ақша жымқыру жоғын айтуда. Неге ілінерімізді білмей отырмыз. Қалай ақша жымқыруы мүмкін, егер Ұлттық баспасөз клубы мен ҚазТАГ мемлекеттік емес сектор субъектілері болып табылcа. Олардың бюджет қаржысына, басқа да мемлекеттік қаржыландыру көздеріне рұқсаты жоқ. Мен мұның артында кімнің тұрғанын білемін, бірақ әзірге айтпаймын», — деп мәлімдеді өз кезегінде Е.Бапи.
Өз кезегінде Матаев ақша жымқыру туралы айыптауды толығымен жоққа шығарып отыр.
«Біз ешқандай да мемлекеттік қаржыны жымқырмағанымызды мәлімдейміз. Пара алған жоқпыз және пара беруге қатысқан жоқпыз», — делінген БАҚ-тарда таратылған хабарда.
Қазіргі таңда аталмыш қылмыстық іс бойынша тергеу амалдары жүргізілуде.