ҚР үкіметі жұмыс орындарын сақтаудың жаңа құралдарын енгізуде

15 Февраля 2016 1202 ЖұмысОрындары, Сақтау, Құралдар

Алматы. 15 ақпан. Ақпараттар орталығы. Жұмыс орындарын сақтау мақсатында жаңа құралдарды енгізу бойынша сапалы жұмыстар жүргізу керек, деп мәлімдеді ҚР денсаулық сақтау және әлеуметтік даму министрі Тамара Дүйсенова, деп хабарлады премьер-министрдің баспасөз қызметінен.

«Қосымша бөлінетін 2,5 млрд тенгеге жұмыс орындарын сақтау мақсатында жаңа құралдарды енгізу бойынша сапалы жұмыстар жүргізуіміз керек, оның ішінде жалақыларының жоғалтқан бөліктерін субсидиялау, оларды оқыту, соның ішінде жұмыс беруші жұмыс орнын сақтауы тиіс деген талап қоя отырып, жұмыс берушілерге грант ұсыну секілді жұмыстар жүргізу. Бұл біз үшін жаңа тәжірибе болмақ», — деді Т.Дүйсенова ҚР үкіметінің бүгінгі селекторлық отырысында.

Ол жалпы «Жұмыспен қамтудың жол картасы 2020» бағдарламасы аясында бөлінген қосымша 63 млрд теңге соманың бірінші кезекте әлеуметтік нысандардың, инфрақұрылым нысандарының жөндеу жұмыстары мен шағын несиеге бағытталатынын айтты.

Ведомство басшысы айтып өткендей, осы шаралар жаңа жұмыс орындарын құрып, бұрынғыларды сақтап қалуға мүмкіндік береді.

«Шағын несиелеуге қосымша 20 млрд теңге бөлінеді, оның 10 млрд теңгесі қолданыстағы талаптар бойынша жұмсалады, 3 млн теңгеге дейін – жұмыссыздар мен өзін-өзі жұмыспен қамтыған тұрғындарға, қалған 10 млрд теңгесі шағын тауарлы өндірісті ұйымдастыру жобаларын жүзеге асыруға жұмсалады», — деді Т.Дүйсенова.

Оның айтуынша, бүгінде 5 пилоттық облыс анықталған: Ақтөбе, Алматы, Жамбыл, Қызылорда, Оңтүстік Қазақстан облыстары. Олардан 1706 жобаға өтінім түскен. Олардағы басым бағыттар: мал шаруашылығы саласында мал жемдейтін алаң, шағын құс фабрикасын ашу және ауыл шаруашылық өнімдерін қайта өңдеу.

Сонымен қатар 3 млрд теңгеге бағдарлама аясында еліміздің оңтүстік өңірлерінен солтүстігіне көшуге ниетті жұмысшы жастарды ынталандыру үшін 369 пәтерлік 6 жатақхана салынады, сатып алынады немесе қайта салынады.