ШҚО-да пайдаланылмаған ауыл шаруашалық жерлерін қайтып алынатын болады

19 Февраля 2016 1963 АуылШаруашалықЖерлері, инвесторлар, ШығысҚазақстан, қайтыпАлу

Алматы. 19 ақпан. Ақпараттар орталығы. Ауыл шаруашылық бағытындағы пайдаланылмаған суармалы жерлер қайтып алынып, инвесторларға беріледі, деп мәлім етті Шығыс Қазақстан облысының әкімі Даниал Ахметов өңір жерлерін тиімді пайдалану мәселесіне арналған облыс әкімдігінің отырысында, деп хабарлады ШҚО ақпараттар орталығынан.

Хабарда айтылғандай, қала және ауданның атқарушы органдары жүргізген түгендеу жұмыстарының қорытындысы бойынша 2015 жылы 2012-2014 жылдары ауыл шаруашылық мақсатында берілген 984,3 мың га жердің пайдаланылмай жатқаны белгілі болды.
«Қабылданған шаралар жақсы нәтижелер берді: жерді пайдаланушылар 453,9 мың га алаңдағы өз жерлерін қолдануды бастады, мемлекет меншігіне – 526,3 мың га қайтарылды, оның ішінде ауыл шаруашылығына 403,6 мың га тартылды», — делінген хабарда.
Жерлерді қайтару бойынша жұмыстар жалғасуда, соның ішінде Жарма, Зайсан, Зырян аудандарында, Өскемен мен Риддер қаласында.
«Егер ол жерлер тиімсіз қолданылса, онда оны өз есептерінен қайта қалпына келтіретін, тиімді қолдана алатын инвесторларға беру тәжірибесін қолданамыз. Бүгінгі таңда сондай 9 мың га жер қайтарып алынды. Мемлекет меншігіндегі жерлердің аукционын өткізу, сату фактісі де маңызды», – деді жер қатынастары басқармасының басшысы Қонысбай Төлеубеков.
Оның айтуынша, 2015 жылы облыстың қалалары мен аудандарында 92,8 млн теңге сомаға 940 жер учаскелері конкурсқа шығарылды, аукциондарға 230 млн теңге сомаға 142 жер учаскелері шығарылды.
Облыс әкімі ауыл шаруашылық мақсаттағы пайдаланылмаған жер учаскелерін анықтау және оларды мемлекет меншігіне қайтару бойынша жұмыстарды күшейтуді тапсырды. Бұл ретте суармалы жерлерді қайтарып алу басты міндет болып табылады.
«Мамырда суармалы және басқа жерлерді сату бойынша аукцион жүргізу керек, сосын агроөнеркәсіптік сектор бойынша инвестициялық форум өткізуді ұйымдастыру керек», – деп атап өтті өңір басшысы
Ол, 2015 жылы инвестфорумның оң нәтиже бергенін айта кетті.
«Пайдаланылмаған жерлер қайтып алынып, инвесторларға берілуі керек. 2015 жылы бұл ретте Үржар және Тарбағатай аудандарының әкімдері жақсы жұмыс жасады. Биыл аукционға 40 мың гектардан аз емес суармалы жер шығарылуы керек», — деді Д. Ахметов.
Хабарда айтылғандай, «Алтай Агро Invest» алғашқы форумы аясында 15 бағыт бойынша 50-ден астам инвестициялық жоба таныстырылды.