Ұлттық банк ақшалай-несие саясатын әзірлегенде ХВҚ болжамына сүйенді

19 Мая 2016 1174

Алматы. 19 мамыр. Ақпараттар орталығы. Қазақстанның Ұлттық банкі 2016 жылға арналған ақшалай-несие саясатын әзірлеу барысында Халықаралық валюта қорының (ХВҚ) болжамына сүйенді, деп хабарлады ҚР ҰБ басшысының орынбасары Ғалымжан Пірматов бүгін.

ХВҚ өзінің World Economic Outlook есебінде Қазақстанның 2016 жылға арналған экономика өсімінің болжамын 2,2- ден 0,1% дейін төмендетті. Қазақстанның 2017-2021 жылдарға арналған әлеуметтік-экономикалық даму болжамына сәйкес ЖІӨ өсімі 2016 жылға 1,7%-ден 0,5% дейін қайта қарастырылды.

«Жалпы ақшалай-несие саясаты бойынша шешім қабылдау барысында, оның ішінде базалық мөлшерлеме бойынша, ішкі аспектілер секілді (инфляция қаупі, қаржылық тұрақтылық тәуекелі, экономиканың долларлану деңгейі), сыртқы факторлар да (мұнайдың әлемдік бағасы, айырбас бағамы мен сауда әріптестері елдеріндегі жағдай) ескеріледі. Сыртқы экономикалық жағдайды бағалау үшін халықаралық ұйымдар, соның ішінде ХВҚ, Дүниежүзілік банк жариялайтын болжамдар ескеріледі», - деп түсіндірді Ғ. Пірматов.

Бұл ретте сыртқы фактордың елдегі экономикалық жағдайға барынша ықпалы Ұлттық банкке базалық жарна бойынша шешім қабылдауға әсер ететін болжалды раундтарды жүргізу барысында ХВҚ болжамдарының маңызды рөлін білдіреді.

Ұлттық банкте атап өткендей, 24 мамырда Астана эономикалық форумы аясында (АЭФ) ХВҚ Өңірлік конференциясы өтеді. Оған қатысуға Орталқы Азия, Кавказ, Еуразиялық өңір елдерінің экономикалық блоктарының бірінші басшылары шақырылды.

Шараға сондай-ақ, Халықаралық валюта қорының директор-әкімшісі Кристин Лагард та қатысады. Конференция барысында өңірдің ағымдағы экономикалық жағдайлары және орташа қысқа мерзімде тұрақты өсімге ықпал ету мәселелері талқыланады деп жоспарлануда.