Астанадағы білім мен тәрбие

Астанадағы білім мен тәрбие — назарда

09 Января 2015 1269

Бүгін Астана әкімі Әділбек Жақсыбеков көшпелі кеңес өткізіп, білім мекемелерінің жұмысымен танысты. Қала басшысы Оқушылар сарайында, тірек-қимыл аппараты бұзылған балаларға арналған №64 «Асыл бөбек» балабақшасында, Юрий Гуров атындағы №6 гимназияда, Астана қаласының кәсіптік-техникалық колледжінде болды, — деп хабарлайды Астана қаласы әкімінің баспасөз қызметі.

«Әділбек Жақсыбеков мекеме басшысына үйірмелердің және секциялардың қолжетімділігіне, балалардың демалыстарын қызықты өткізулеріне назар аударуды тапсырды, сондай-ақ ата-аналардың баланы секция мен үйірмелерге жазу кезінде ешқандай қиындықтарға тап болмауы тиіс екендігін атап өтті», — деп мөлімдеді баспасөз қызметі.

Оқушылар сарайы 2011 жылы желтоқсанда Қазақстан Республикасы Президентінің тапсырмасымен салынды. Қазіргі кезде онда 9 мыңнан астам баланы қамтитын 109 үйірме жұмыс істейді. Астана әкімі жаңа №64 балабақшада болып, арнайы жабдықталған медициналық кабинетте өткізілетін емдеу-оңалту және қалпына келтіру процедураларымен танысты.

«№64 мамандандырылған балабақша 2012 жылы ашылған, қазіргі кезде онда тірек-қимыл аппараты бұзылған 164 бала оқиды. Мекемеде логопедтер мен дефектолог мамандығын меңгерген тәрбиешілермен қоса, педиатр, физиотерапевт, ортопед және т.б. кәсіпқой дәрігерлер де жұмыс істейді. Балабақшада музыкалық және спорт залдары, арнайы тренажер залы, сенсорлық бөлме, кинозал мен этнографиялық мұражай бар», — деп хабарлады баспасөз қызметі.

Білім мекемелерін аралау барысында елорда әкімі Кәсіптік-техникалық колледжде болды. Білім мекеммесі 2009 жылы салынған, қазіргі кезде онда 261 студент оқып жүр. Колледж құрылыс және техникалық мамандарды даярлайды, мекеме базасында жалпы ауданы 1200 шаршы метрді құрайтын 24 оқу-өндірістік шеберхана жұмыс істейді.

Сонымен қатар, Әділбек Жақсыбеков Юрий Гуров атындағы №6 гимназияда болды. Жалпы ауданы 7930,4 м2 құрайтын оқу орынында 1289 оқушы білім алады. Мұнда «Ақылды мектеп» жобасы аясында тұрақты бақылау жүргізіледі, 30 жуық бейнекамера орнатылған.

«Әкім барлық білім беру мекемелерінде балаларды тамақтандырудың сапасына да назар аударды. Ә.Жақсыбеков балабақшаларда орындардың жетіспеушілігі мәселесін шешу үшін мемлекеттік-жеке меншік әріптестік саласында жұмыстарды күшейтуді, сондай-ақ, ағымдағы жылы орта мектептерде үш ауысымдық оқуды жоюды, осылайша, мектептердің шамадан тыс толық болуын жоюды тапсырды», — деп хабарлайды баспасөз қызме