10 жылда Болгария Қазақстанға 26,7 млн доллар инвестициялаған

09 Июня 2016 1969 Болгария, Қазақстан, инвестиция

Алматы. 9 маусым. Ақпараттар орталығы. 2005 жылдан бастап 2015 жылға дейін, біздің елге Болгариядан тікелей инвестициялар ағымы 26,7 млн долларды құрады, деп мәлімдеді ҚР инвестициялар және даму вице-министрі Ерлан Хаиров.

«2005 мен 2015 жылдар аралығында Болгариядан Қазақстанға тікелей инвестициялар ағымы 26,7 млн долларды құрады. Осы кезеңде Қазақстаннан Болгарияға тікелей инвестициялардың кетісі 12 млн долларды құрады. 2016 жылғы 1 мамырға жағдай бойынша Қазақстанда болгарлық қатысумен 130 заңды тұлға, филиалдар мен өкілдіктер тіркелген, олардың ішінде жұмыс істеп тұрғаны - 44», - деді Е. Хаиров қазақстандық-болгарлық бизнес-форумында.

Сонымен бірге, вице-министр атап өткендей, екі ел арасында сауда-экономикалық ынтымақтастықты дамытуға зор әлеует бар. Ол болгарлық кәсіпкерлерді «Астана» халықаралық қаржы орталығы (АХҚО) аясындағы жобаларды жүзеге асыруда ынтымақтастыққа шақырды.

«2017 жылы Қазақстан ЭКСПО-2017 халақаралық мамандандырылған көрмесі алаңына айналады. Көрме алаңында алдағы уақытта «Астана» халақаралық қаржы орталығы жұмыс жасайтын болады. Инвесторлар үшін ағылшын құқытарына негізделген инвестициялық даулардың құқықтық реттеулерін ұсынамыз, ол ағылшын тілінде талқыланады, ол жерге шетелдік судьялар тартылады», - деп атап өтті Е. Хаиров.

Оның айтуынша, аталмыш шараларды меңгеру инвестициялық қызметтің өсуіне ықпал етеді және бизнесті жасау үшін тиісті жағдай жасайды, сонымен қатар елдің инвестициялық бәсекеге қабілеттілігін арттыруға мүмкіндік береді.
«Біз Болгарияның іскерлік тобын біріккен жобаларды іске асыруға белсене қатысуға шақырамыз. Біз инвестициялық қолдаудың толық спектрін және толық ынтымақтастықты қамтамасыз етуге дайын», - деді вице-министр.