2016 жылы Қазақстан бюджетінің тапшылығы шамамен 1 трлн теңгеге жетуі мүмкін

25 Февраля 2016 1720 Бюджет, Тапшылық, Қазақстан

Алматы. 25 ақпан. Ақпараттар орталығы. Бюджет тапшылығының 723,4 млрд теңгеден 902,7 млрд теңгеге дейін артуы болжануда, деп хабарлады ҚР ұлттық экономика министрі Ерболат Досаевқа сілтеме жасаған үкімет басшысының баспасөз қызметінен.

«Республикалық бюджет тапшылығы ҚР ЖІӨ-не 2%-ға дейін деңгейде немесе 902,7 млрд теңге көлемде болжануда. Аталған тапшылықтың артуы оны қаржыландыруға қосымша қарыздар тартуды талап етпейді», — деді Е. Досаев.

Ұлттық қордан мақсатты трансферттерден қаржыландырылатын шығындарды және бағам айырмашылығын жабуға қосымша шығындардың есебінен республикалық бюджет шығындарына 2016 жылы 8,2 трлн теңге болжанып отыр.

Сондай-ақ, ведомствоның мәліметінше, болжанған ЖІӨ өсімін есепке ала отырып, республикалық бюджеттік кірістері (трансфертті есепке алмағанда) 2016 жылы 3 365,3 млрд теңгеге болжанады. Бұл бұрын бекітілген бюджетпен салыстырғанда 300 млрд теңгеге аз.

Хабарда түсіндірілгендей, негізінен, халықаралық сауда мен сыртқы операияларға салық бойынша кірістердің қысқартылуы күтіледі - 204,2 млрд теңге, соның ішінде мұнайға экспорттық кедендік баж салығы бойынша – 206,5 млрд теңге. Бұл мұнайға қатысты түсімнің 1 наурыздан бастап еркін шәкілге көшуді есептегенде, 206,5 млрд теңгеге болжанды.

Хабарда айтылғандай, 2016 жылға республикалық бюджет түсімдерінде Ұлттық қорды басқару жөніндегі Кеңестің шешіміне сәйкес Ұлттық қордан бөлінетін трансферттер көлемдері ескерілген.

Атап айтсақ, кепілдендірілген трансферт сомасы 2 880,0 млрд теңге немесе бір долларға 360 теңге бағамы кезінде 15%-ға арттырусыз 8 млрд доллар.

Сонымен қатар, бұған мақсатты трансферт 807,5 млрд теңге шамасында қарастырылады, оның ішінде 240,5 млрд теңгесі Мемлекет басшысының тапсырмасына сәйкес тұрғын үй құрылысын ынталандыру, «Нұрлы жол» бағдарламасының инфрақұрылымдық жобаларын жеделдету шараларына бағытталады.