25 жыл ішінде Алматы бизнес пен жеке капитал қаласына айналды

25 жыл ішінде Алматы бизнес пен жеке капитал қаласына айналды — Байбек

10 Февраля 2016 1846 Алматы, Байбек, Бизнес

Алматы. 10 ақпан. Ақпараттар орталығы. Өткен 25 жыл ішінде Алматы бизнес пен жеке капитал қаласына айналды, деді қала әкімі Бауыржан Байбек ҚР Ұлтттық кәсіпкерлер палатасының жыл сайынғы II -ші қалалық конференциясында, деп хабарлады әкімніңі баспасөз қызметінен.

Б. Байбек мегаполистің ҚЖӨ 34% -ын құрайтынын және жергілікті бюджетке кірістің 43%-ын беретінін атап өтті. Он алматылықтың алтауы шағын кәсіпкерлікпен айналысады.
«Біз Мемлекет басшысы Н. Ә. Назарбаветың қолдауы арқасында 25 жыл ішінде Алматының бизнес пен жеке капитал қаласына айналғандығын мақтан тұтамыз. Бүгінгі күні кіші және орта бизнес ішкі өңірлік жалпы өнімнің 34% -ын құрайды және жергілікті бюджетке кірістің 43%-ын береді», — деді әкім.
Ол сондай-ақ, қазіргі кезде Doing Business рейтингісінің халықаралық критерийлерін сақтауға да аса мән берілетінін атап өтті. «Атамекен» ҰКП-нің арқасында бизнеспен байланыс арта түсуде.
Атап өтерлік жайт, Алматының 2020 жылға дейінгі даму бағдарламасының жеті тұжырымының үшеуі бизнесті дамытуға бағытталған.
Өз кезегінде Т. Құлыбаев үкімет, әкімдік және бизнес- қоғамдастық арасындағы өзрара байланыс қазіргі күрделі жағдайда өте маңызды екендігін айтты.
«Алматы – бизнес бойынша нөмірі бірінші қала екені түсінікті.Жаңа басшылықтың өзара ынтымақтастыққа дайын екендігі де көңіл қуантады. Ең бастысы, Алматыға қарап бүкіл еліміз алға жылжитын болады. Сондықтан біз барынша белсенді жұмыс істейтін боламыз. Мен қала басшылығына ашықтығы үшін алғысымды білдіремін, жарты жыл ішінде бизнес- қоғамдастықпен тығыз байланыс орнатылды. Мен Алматының барша бизнес- қоғамдастығының оң өзгерістерді сезінгендіктеріне сенімдімін», — деді ол.