Алдағы 5 жылда Қазақстанда қандай мамандықтарға сұраныс артады

11 Февраля 2016 2284 Мамандықтар, Сұраныс, Қазақстан

Алматы. 11 ақпан. Ақпараттар орталығы. Қазақстанның денсаулық сақтау және әлеуметтік даму министрлігі алдағы 5 жылда көлік және құрылыс саласының мамандарына сұраныс артады деп болжап отыр, деді ҚР премьр-министрінің баспасөз қызметінен.

«Біз көлік саласында білікті мамандар сұранысы артады деп болжап отырмыз. Мәселен, көлік жүргізушілері – 30 мың адам, жұмысшы транспортшы – 18,5 мың адам, локомотив машинист – 5,7 мың адамды қажет етеді»,- деді Астанадағы брифингте ҚР денсаулық сақтау және әлеуметтік даму министрінің орынбасары Біржан Нұрымбетов.
Оның айтуынша, құрылыс саласында да кадрға қажеттілік артады.
«Алдағы бес жылда бізге 26 мыңнан астам құрылыс-монтажшылар, құрылыс-жөндеу жұмыстарының 24 мыңнан астам жұмысшы-әрлеушілері, 20 мың біліктілігі жоқ жұмысшы күші, 11 мың архитектор, инженерлер мен соған жақын маман иелері керек болады. Яғни әр сала бойынша біз топқа бөліп қойдық», — деді шенеунік.
Сонымен қатар, қызмет көрсету саласында да мамандарға сұраныс артады. Бұл ретте ауыл шаруашылық, жылжымайтын мүлікпен жұмыс жасайтын сала бойынша төмендейді деп күтілуде. Өнеркәсіп саласында жұмыспен қамту деңгейі тұрақты болады.
«Біз үш жыл қатарынан болжауды екі түрде жасап келеміз. Бұл біржылдық қысқамерзімді жоспар, онда біз бір жылда бізге қандай мамандар қажет екендігін шеше аламыз. Екіншіден, бесжылдық жоспар экономикалық макрокөрсеткіштерден келіп саяды», — деді Б.Нұрымбетов.
Ол бүгінгі таңда еңбек нарығында бірқатар мамандықтар бойынша кадр тапшылығы сезілетінін айта кетті.
«Бізде ағымдағы бос орындар туралы ашық тізім бар. Бізде www.enbek.kz, порталы бар, онда елдегі барлық бос жұмыс орындары қамтылған, барынша кеңейтілген база. Бүгінде бізде 17200 ашық бос орын бар. Мен сізге алғашқы 10-дықты атап өте аламын. Мекемелер мен кәсіпорындарға: 622 мұғалім, 605 дірігер, 565 есепші-кассир, 398 дәнекерлеуші, 360 бетоншы, 314 көлік жүргізушілері, 280 қызмет көрсету саласының әкімшілері, 277 жинаушы-жуушылар, 255 сату менеджері, 239 инженер керек. Бұл ашық бос орындар», — деді вице-министр