Алматы мен Алматы облысы өңірінде электр энергиясына тариф төмендеді

05 Марта 2015 1474

Бұл туралы бүгін болған баспасөз конференциясында «АлматыЭнергоСбыт» (АЭС) ЖШС бас директоры Михаил Гамбургер хабарлады.

Тариф төмендеуінің басты себебі «Болат Нұржанов атындағы Екібастұз 1-МАЭС» ЖШС және «Екібастұз 2-МАЭС станциясы» АҚ электр энергиясына босату бағасының төмендеуінде. Осыған байланысты «АЭС» Алматы қаласы мен Алматы облысы өңірінің тұтынушыларына электр энергиясын 2015 жылдың 1 ақпанынан тарифті төмендетті.

Алматы қ. мен Алматы облысы өңірінің тұтынушылары үшін электр энергиясына экономикалық негізделген тариф ҚҚС санамағанда 1 кВтсағ үшін 15,52 теңге құрайды, ал 12% ҚҚС санағанда 1 кВтсағ үшін 17,38 теңге.

Тәулік зоналары бойынша сараланған тарифтің мөлшерлемесі үш зоналық есептеу жүйесі бойынша есеп-айырысатын тұтынушылар үшін, ҚҚС санамағанда: 1) тарифтің күндізгі мөлшерлемесі — сағат 7-00 бастап сағат 19-00 дейін – 1 кВтсағ үшін — 15,52 теңге; 2) максимум сағаттарында тарифтің мөлшерлемесі — сағат 19-00 бастап сағат 23-00 дейін – 1 кВтсағ үшін 32,54 теңге; 3) түнгі тарифтің мөлшерлемесі — сағат 23-00 бастап сағат 7-00 дейін – 1 кВтсағ үшін 4,36 теңге.

Екі зоналық есептеу жүйесі бойынша есеп-айырысатын тұтынушылар үшін, 12% ҚҚС санағанда: 1) тарифтің күндізгі мөлшерлемесі — сағат 7-00 бастап сағат 23-00 дейін – 1 кВтсағ үшін 22,30 теңге; 2) түнгі тарифтің мөлшерлемесі — сағат 23-00 бастап сағат 7-00 дейін – 1 кВтсағ үшін 4,88 теңге.

Электр плиталарын пайдаланатын және пайдаланбайтын электр энергиясының тұтыну көлеміне байланысты есеп-айырысатын тұтынушылар үшін, 12% ҚҚС санағанда: 1) бірінші деңгейлі тариф – 1 кВтсағ үшін 15,40 теңге; 2) екінші деңгейлі тариф – 1 кВтсағ үшін 20,87 теңге; 3) үшінші деңгейлі тариф – 1 кВтсағ үшін 26,10 теңге.

АЭС мәліметі бойынша, Алматы мен Алматы облысы аймағында 26 мыңнан астам заңды тұлға тұтынушылар және 720 мың жеке тұлға тұтынушылар бар.