Алматыда ғаламтор арқылы есірткі сатқан ҰҚТ қызметінің жолы кесілді

02 Февраля 2016 1568 Алматы, Есірткі, Ғаламтор

Алматы. 2 ақпан. Ақпараттар орталығы. Алматы полициясы синтетикалық есірткі сату алаңына қызмет еткен екі ғаламтор сайтының қылмыстық қызметінің жолын кесті, деп хабарлады қаланың ІІД баспасөз қызметінен.

Хабарда айтылғандай, Алматы тұрғыны Шустов пен Қарағанды облысының тұрғыны азаматша Геондова ғаламтор ресурстары арқылы Ресейден Алматыға психотропты заттар мен МДМА синтетикалық есірткісін, экстаз бен кокаин жеткізіп отырған.
«Жедел және тергеу жолдары арқылы олардың ғаламтор арқылы есірткі тарату, жарнама беру, тапсырысты өңдеу және тауарды жеткізуге қатысты есірткі қылмысының топтамаларына қатысы бары дәлелденді», — деді Алматы қаласы ІІД Есірткі бизнесімен күрес басқармасының бастығы полиция полковнигі Азамат Садыров.
Оның айтуынша, фигуранттар әлеуетті сатып алушылар үшін «белгі» қойып, төлемнің қолма-қолсыз түрін пайдаланған. Күдікті Иркутск облысынан келген Ресей Федерациясының азаматы болып табылатын басқа қылмыстық эпизодттарда тауар иесіне пошталық хабарлама арқылы келген.
«Міне есірткіні жеткізудің осы арнасын біз анықтап, тоқтаттық. Аталмыш кезеңде өңірге синтетикалық есірткіні жеткізу каналын анықтау бойынша мақсатты жұмыстар жүргізіліп жатыр», — деді полиция қызметкері.
Ол жоғарыда аталған азаматтардың жасаған қылмыстары үшін сотталғанын атап өтті. Азаматша Геондова 10 жылға, азамат Шустов 7 жылға, ал азамат Бурлаков 3 жылға бас бостандығынан айырылған.
Сонымен қатар ЕКБ-де атап өткендей, қабылдаған шаралар нәтижесінде қаладағы есірткі жағдайы тұрақты. Есірткі бизнесімен күрес мәселесі бұрынғыша өзекті және осы бағыттағы жұмыстар Алматы полицейлері қызметінің басымдығының бірі болып табылады.
Өткен жылы Алматы бойынша 2,5 есе көп есірткі қылмысы анықталған. Заңсыз айналымнан 480 кг есірткі заты тәркіленген. Өткен жылы тәркіленген есріткі салмағы 223 кг. астам болған.
«Есірткі заттарын сатумен айналысатын тұлғаларға қатысты пәрменді шаралардың көрнекті мысалдарының бірі — соған жауап ретінде Молдажарова Е.Д. бастаған қылмыстық топты әшкереу. Еске салсақ, есірткі сату жолымен аталмыш ҰҚТ мүшелері тапқан ақша қаражатын жария ету фактісі бойынша жекелеген сотқа дейінгі өндіріс қозғалған еді», — деді А. Садыров.