АҚШ-та Әбілязов пен Храпуновтың миллиондаған доллары оқшауландырылды

11 Мая 2016 1599 АҚШ, Әбілязов, Храпунов

Алматы. 11 мамыр. Ақпараттар орталығы. АҚШ-та Мұхтар Әбілязов пен Виктор Храпуновтың қылмыстық тобы ұрлаған ондаған миллион доллар оқшауландырылды, деп хабарлады ҚР Әділет министрлігінің баспасөз қызметінен.

«БТА Банк, Алматы қаласының әкімдігі және Қазақстан Республикасы Әділет министрлігінің бірлескен жұмыс нәтижесінде АҚШ-та М.Әбілязов пен В.Храпуновтың қылмыстық тобы ұрлаған ондаған миллион доллар оқшауландырылды», - делінген сәрсенбідегі әділет министрлігінің хабарында.

Хабарда түсіндірілгендей, 2014 жылдың мамыр айында Алматы қаласының құзіретті өкілдері АҚШ-тағы Калифорния штатының сотына В.Храпуновқа және онымен аффилиирленген тұлғаларға қарсы талап-арыздарын берді. Іс жүргізу Қазақстан Республикасы Әділет министрлігінің қолдауымен өткізілді. АҚШ-тағы сот талқылау барысындағы міндетті ақпаратты ашып көрсету нәтижесінде Қазақстаннан ұрлаған және алып шығарған активтер айқындалды.

«Қылмыстық қудалаудан және олар ұрлаған ақшаның тәркіленуінен қауіптеніп, М.Әбілязов пен В. Храпунов АҚШ юрисдикциясынан активтерін жедел әкету мақсатымен мүліктерін сата бастаған», - деп атап өтті министрлікте.

Атап айтсақ, Нью-Йорктегі отельді апартаменттерге реконструкциялау бойынша жобадағы үлес едәуір төмендетілген. Салынған 40 млн. АҚШ доллардың орнына Әбілязов пен Храпунов өз үлесін 21 млн. АҚШ долларына сатуға әрекет жасады. «Алайда девелопер мен олардың арасында сот дауы басталды», - деді ведомстводан.

Аталмыш іске БТА Банк, Алматы әкімдігі мен Әділет министрлігі араласты.
Нәтижесінде 21 млн. АҚШ доллар қаражаттардың табыстауын оқшауландырды.

«Қазіргі кезде АҚШ-тың Нью-Йорк штатының сотында және федералды сотында оқшауландырылған ақша қаражаттарын қайтару бойынша жұмыс жүргізілуде», - делінген хабарда.