Ақтөбеде бауыр мен бүйректі трансплантациялау бойынша 15 ота жасалады

06 Апреля 2016 2109 Ақтөбеоблысы, трансплантациялау

Алматы. 6 сәуір. Ақпараттар орталығы. 2016 жылы Ақтөбе облысында бауыр мен бүйректі трансплантациялау бойынша15 ота жасалады, деп хабарлады Ақтөбе облысы денсаулық сақтау басқармасының жетекшісі Әсет Қалиев.

Оның айтуынша аймақта созылмалы бүйрек жетіспеушілігі дертіне шалдыққан науқастарға көмек көрсету бағдарламасы жұмыс істейді. Ал, 2014 жылдың қараша айынан бостап туыс донордан бүйрек трансплантациялау бойынша ота жасала бастады.

«Ақтөбеде қаңтар айында Оңтүстік Кореядан келген жетекші маман, профессор Вонг Ли мен профессор Жақсылық Досқалиевтің қатысуымен алғаш рет бауыр алмастыру отасы жасалды. Бүгінде бүйректі алмастыру бойынша 8 ота, бауыр бойынша 2 ота жасалған. 2016 жылы 5 бауыр алмастыру, 10 бүйрек алмастыру отасын жасау жоспарланған», - деді Ә. Қалиев.

Аталып өткендей, облыс әкімдігінің қолдауымен көрсетіліп отырған медициналық қызметтердің сапасын халықаралық деңгейге көтеру мақсатында халықаралық ынымақтастық өткен жылдан бастап белсенді дамытылуда.

Сонымен, 2015 жылы желтоқсанда оңтүстіккореялық госпиталь «Кангнам Северанспен» дәрігерлер мен тәжірибеден өтшілерді алмастыру, мамандарды оқыту, телемедицинаны, консилиумды және қиын диагностикалық жағдайларды емдеу бойынша әдісті таңдауды дамыту туралы меморандумға қол қойылды. Меморандум аясында ақпан айында «Гангнам Северанс» оңтүстіккореялық клиниканың профессоры Чанг Хэнг Сеока Ақтөбеде қалқанша без қызметі бұзылған 6 науқасқа ота жасады, сонымен қатар ол 60-тан астам ақтөбеліккке кеңес берді.

Қаңтар айында Ақтөбе облысының әкімі мен «Hemogens Health Care» түркиялық компания арасында меморандумға қол қойылды, оған сәйкес инвестор жедел жәрдем жүйесін дамытуға қатысуды жоспарлауда. Атап айтақанда, Ақтөбеде Жедел жәрдем орталығы салынып, реанимобильдер сатылып алынады, Бірыңғай диспетчерлік орталық құрылады. Сондай-ақ жедел жәрдем машинасын құрастыру зауыты іске қосылды, онкологиялық ауруларға шалдыққан науқастар үшін дәрілік затттарды өндіру бір жолға қойылды.

Алдағы 8 жыл ішінде «Hemogens Health Care» компаниясы тағы 5,5 млрд теңгені инвестициялауды көздеп отыр.