Астана күні қарсаңында Талдықорғанда жастар орталығы ашылды

05 Июля 2016 2033 Культура, Экономика

Фото:Алматы облысы әкімінің баспасөз қызметі

Алматы. 5 шілде. Ақпараттар орталығы. Астана күні қарсаңында Талдықорғанда жастар орталығы ашылды, деп хабарлады Алматы облысы әкімінің баспасөз қызметінен.

Енді жастар саясатының барлық мәселелері Астана күні қарсаңында Талдықорған қаласында ашылған жастарға қызмет көрсету орталығында қаралатын болады.Орталық жергілікті бюджет қаражатына салынған.

Жастар саясатын жүзеге асыру мәселесіне тоқталған өңір басшысы Жетісу аймағы 500 мыңнан астам жастардың басын қосып отырғанын атап өтті. Ол еліміздің екпінді, мақсатқа ұмтылғыш, ақылды, іскер, еңбек сүйгіш жастармен мақтанатынын айтты.

«Сіздер қызығушылықтарыңызға қарай әр түрлісіз, бірақ сіздің әрқайсыңыз –ұлы істер атқаруға қабілетті жеке тұлғасыз. Мемлекеттік қолдаудың арқасында сіздер өз идеяларыңыз бен бастамаларыңыз арқылы өмірдегі өздеріңізге лайықты орынды иеленіп, өздеріңізді танытуға мүмкіндіктеріңіз мол. Арнайы сіздер үшін құрылған орталық жастардың әрі демалатын, әрі білімін жетілдіретін, әрі пікір алысатын, оларды жан-жақты қолдауға барлық мүмкіндіктер жасайтын ортақ шаңырақ болады деп сенеміз», - деді облыс әкімі.

Жалпы, Жастарға қызмет көрсету орталығы бірнеше бағытта қызмет көрсететін болады. Атап айтқанда, «Жұмыспен қамту жол картасы - 2020», «Қолжетімді тұрғын үй - 2020», «Серпін - 2050», «Дипломмен ауылға» бағдарламалары бойынша жастар арасында түсіндіру-насихаттау бағытында жұмыс жүргізбек.

Алматы облысы әкімінің баспасөз қызметінің ақпарынша, жастарға қызмет көрсету орталығы облыстың барлық жастарын бір-бірімен байланыстыратын орта болады, әрі жастар саясатының өзекті мәселелерін шешуге ықпал етеді.

читайте также