Азаматтық авиация комитеті Фоккер-100 әуе кемелерін пайдалануға тыйым салды

28 Марта 2016 1594 Фоккер-100, Азаматтықавиациякомитеті, БекЭйр, тыйымсалу

Алматы. 28 наурыз. Ақпараттар орталығы. ҚР инвестиция және даму министрлігінің (ИДМ) азаматтық авиация комитеті «Фоккер-100» әуе кемелерін техникалық актысыз пайдалануға тыйым салды, деп хабарлады ведомствоның баспасөз қызметінен.

Хабарда айтылғандай, ҚР ИДМ-нің азаматтық авиация комитеті «Бек Эйр» әуекомпаниясыныңинженерлік-авиациялық қызметінің басшысынашассидің алдыңғы және негізгі тіректерінің агрегаттары мен тораптарын және шассиді жыю және шығару жүйесін бір жолғы техникалық тексерістен өткізу жөнінде нұсқау жөнелтілді.

«Тиісті техникалық актіні ҚР ИДМ-нің ААК-не және «Қазаэронавигация» РМК-ның әуе қозғалысын жоспарлаудың Бас орталығына жолдау қажет. Сонымен қатар, Комитет «Қазаэронавигация» РМК-ның ӘҚЖ БО-на Фоккер-100 әуе кемелерін жоғарыда көрсетілген техникалық актісіз ұшуға жібермеу жөнінде нұсқау берілді», - делінген дүйсенбідегі ведомство хабарында.

Бұл ретте атап өтілгендей, «Бек Эйр» авиакомпаниясының Фоккер-100 әуе кемесінің 2016 жылғы 27 наурызда Астана қаласының Халықаралық әуежайында болған авиациялық оқиғасының орын алу фактісі бойынша Азаматтық авиация комитеті аталған типті әуе ұшақтарының кезекті ұшулары алдында орын алғандай авиациялық оқиғаларды болдырмау жөнінде профилактикалық шаралар қолға алынды.

Комитет хабарында Қазақстанда Фоккер-100 типті әуе кемелерін тек «Бек Эйр» авиакомпаниясы ғана пайдаланып келе жатқаны айтылған.

«Әуе кемелерінің паркінде аталмыш типті 8 ұшақ бар, оның 6-ы ҚР-нда пайдаланылады», - деп хабарлады авиациялық ведомство.

Атап өтелік, ҚР ИДМ-де аталмыш оқиғаны зерттейтін арнайы комиссия құрылды. Сондай-ақ, ҚР бас көлік прокуратурасы апат фактісі бойынша қылмыстық іс қозғап, сотқа дейінгі тергеу жүргізілуде.