Жыл басынан бері құрылысқа салынған инвестиция 2,5 есе өскен

14 Сентября 2021 1154 Экономика

Фото:ҚазАқпарат

Алматы. 14 қыркүйек. Ақпараттар орталығы - Қаңтар-тамыз аралығында тау-кен өнеркәсібінен тыс салаларға тартылған инвестиция көлемі 18 пайызға өскен, деп хабарлайды ҚазАқпарат.

Бұл туралы ҚР Ұлттық экономика министрі Әсет Ерғалиев Үкімет отырысында айтты «Осы жылдың қаңтар-тамыз айларында Қазақстан экономикасының өсу көрсеткіші 3%-ды құрады. Осы есепті кезеңде негізгі трендтер бойынша нақты және қызмет көрсету секторларындағы өсудің оң динамикасы, өндіруші емес секторлардағы инвестицияның жоғары өсуі, сауда балансының оң сальдосының сақталуы байқалып отыр. Осы жылдың қаңтар-тамызында нақты сектордағы өсім 3,5%-ды құрады». – деді министр. Оның айтуынша, жыл басынан бері қызмет көрсету саласында іскерлік белсенділік 2,3%-ға дейін көтерілген. Ал салалар арасында ақпарат және байланыс, құрылыс, сауда, сумен жабдықтау, электрмен жабдықтау, өңдеу өнеркәсібі жоғары өсім көрсетуде. Сондай-ақ ауыл шаруашылығында да оң өсім байқалып отыр. «Экономикалық өсімнің маңызды факторы - ішкі және сыртқы инвестицияларды тарту болып отыр. Оның ішінде өндіруші емес салаларда инвестиция тарту белсенділігі байқалды. Осыған байланысты есепті кезеңде тау-кен өндіру өнеркәсібін есепке алмағанда, негізгі капиталға инвестициялардың өсу қарқыны 18,0%-ды құрады. Инвестиция құрылыс саласында – 2,5 есеге, өңдеу өнеркәсібінде – 81,7%-ға, ауыл шаруашылығында – 43,2%-ға, саудада – 39,9%-ға, ақпарат және байланыста – 37%-ға, жылжымайтын мүлікпен операциялар саласында –16,2%-ға және көлік саласында – 9%-ға өсті», - деді ведомство басшысы.

Источник: ҚазАқпарат

читайте также