Досаев БЗЖҚ активтерінің қандай жағдайда инвестицияланатыны туралы айтты

15 Февраля 2016 1633 Активтер, ЗейнетақыЖинақтаушыҚоры, Инвестициялау

Алматы. 15 ақпан. Ақпараттар орталығы. Бірыңғай зейнетақы жинақтаушы қоры салымшыларының мүддесі біріңғай нарықтық пайыздық ставка жағдайында жүзеге асатын болады, деді бүгін ҚР ұлттық экономика министрі Ерболат Досаев, деп хабарлады премьер-министрдің баспасөз қызметінен.

Бұл ұсынылған үлестірім қолайлы. Өйткені, зейнетақы активтерін барынша қамтамасыз етеді және инвестицияның сақталуына кепілдік беріледі. БЗЖҚ салымшыларының мүддесі біріңғай нарықтық пайыздық ставка жағдайында жүзеге асатын болады», — деді Е. Досаев бүгін үкімет отырысында.
Оның айтуынша, мемлекет басшысының тапсырмасына сәйкес, 2015 жылдың өтпелі 400 млрд. теңге қалдығын қоса есептегенде 2016 жылы еркін зейнетақы қорының 1 450 млрд. теңгесі биылғы жылы республиканың қаржы жетпей жатқан салаларын инвестициялау мен қаржыландыруға бағытталады.
Сонымен, 350,0 млрд. теңге 2016 жылғы республикалық бюджеттің тапшылығын қаржыландыруға, 500 миллиард теңгеге жуық қаржы ішкі нарықты қамтамасыз ету үшін, біріккен зейнетақы жинақтау қорының портфелін әртараптандыруға және азаматтардың зейнетақы жинағын арттыру үшін шетел фалюталарын айырбастауға бағытталмақ, 600 млрд. теңге шынайы экономиканы қаржыландыру үшін ЕДБ мен ұлттық холдингтердің шартты облигацияларын инвестициялауға алынады.
«БЗЖҚ-нан алынған қаржылардың тиімді әрі ашық жағдайда жұмсалуы, жобаны іске асыру механизмдері ҚР Ұлттық банк арқылы зейнетақы активтері басқармаларының Кеңесінде қаралатын болады. Зейнетақы жинағы арқылы инвестициялау бағыты 2016 жылға арналған, яғни уақытша ұсыныс. Инвестициялық жобаларға алынған БЗЖҚ қаржысын пайдалану көпшілікке ашық ақпарат арқылы жеткізілетін болады», — деді министр.