Еліміздің білім беру жүйесіндегі эксперименттік кезең аяқталды

Еліміздің білім беру жүйесіндегі эксперименттік кезең аяқталды - Сағадиев

27 Апреля 2016 1716 білімберужүйесі, Сағадиев, реформа

Алматы. 27 сәуір. Ақпараттар орталығы. Еліміздің білім беру жүйесіндегі эксперименттік кезең аяқталды, ендігі біздің мектептер жаңартылған бағдарламаны енгізуге дайын, деп хабарлайды премьер-министрдің баспасөз қызметі ҚР білім жне ғылым министрі Ерлан Сағадиевке сілтеме жасай отырып.

«Жалпы, Президенттің тапсырмасы бойынша, жұмыстар 15 жылдан астам уақыт бұрын басталды. Сондықтан да, біздің даяр екендігімізге сенімді болу үшін 15 жыл жеткілікті мерзім деп пайымдаймыз. Осы ретте экперименттердің барлығы аяқталды деп ресми түрде мәлім еткім келеді. Ендігі біз соңғы 15 жылда нақты бір жоспар бойынша пысықталған жоспарды енгізуге көшеміз», - деді министр Л.Гумилев атындағы ЕҰУ-да өткен қоғам өкілдерімен есептік кездесу барысында.

Ол атап өткендей, соңғы жылдары жаңартылған мазмұн бойынша біліктілікті арттырудың деңгейлік курстарынан 53 мыңнан астам мұғалім өтті.

«Яғни, мұғалімдер базалық тұрғыда дайын», - дейді Е.Сағадиев.

Орта білім беруге келер болсақ, оның мәліметінше, 2015 жылы 500-ден астам мектеп салынды.

Оған қоса, күшейтілген білім беруге арналған мектептердің үлесі 2 еседен аса артып, 45%-ға жетті.

«Қосымша біліммен қамтылған балалар саны артуда 62%. Балалардың игілігі үшін 32 мың спорттық секциялар және 850 қосымша білім беру ұйымдары жұмыс істеуде. 2011 жылдан бастап біз 1 мың 75 мектепті кең жолақты интернетке қостық. Бастысы мектептерде жаңартылған бағдарламаны енгізуге масштабты дайындық жүргізілді. 6 жылда жаңартылған үлгі 20 Назарбаев Зияткерлік мектепбінде опробациялаудан өтті. 10 мыңнан астам бала жаңартылған бағдарлама бойынша білім алып келеді», - деді министр.