Футзалдан әлем чемпионаты: Қазақстан құрамасы төртінші орын алды

04 Октября 2021 902 Спорт

Фото:ҚазАқпарат

Алматы. 4 қазан. Ақпараттар орталығы - Бүгін Қазақстан құрамасы футзалдан әлем чемпионатында Бразилиямен 3-орын үшін таласқа түсті, деп хабарлайды ҚазАқпарат.

Футзалда Бразилия тәжірибелі құраманың бірі саналады. Аталған құрама әлем чемпионатында бес дүркін чемпион атағын жеңіп алған. Екі құрама тартысты ойын өткізді. Нәтижесінде ойынның 12-минутында қазақстандық футзалшылар қарсыластар қақпасы маңында шабуыл ұйымдастырды. Ол бразилиялық қақпашы Гиттаға тиіп, автогол соғылды. Осылайша бірінші кезеңнен кейін Қазақстан құрамасы қарсыласынан 1:0 есебімен басым түсті. Екінші кезеңде тартысты жекпе-жек одан әрі өрбіді. Ойынның 25-минутында қазақстандық құрамадан Тайнан ойламаған жерден өзінің қақпасына гол соғып алды. Ол 31-минутта қарсыластар қақпасына гол соғып, қайтадан Қазақстан құрамасы алға шықты. Дегенмен одан кейін бразилиялықтар қатарынан Родриго 32, Феррао 34, Ле 35-минуттарда көздеген нысанадан мүлт кеткен жоқ. Қазақстан қарсыласынан 2:4 есебімен жеңіліп қалды. Нәтижесінде Бразилия әлем чемпионатының қола жүлдесіне қол созды. Қазақстан төртінші орынға тұрақтады. Сондай-ақ, бүгін финалда Португалия және Аргентина құрамалары шеберлік байқасады. Кездесу елорда уақытымен 22:50-де басталып, «Qazsport» телеарнасынан тікелей эфирде көрсетіледі. Еске салсақ, топтық кезеңде Қазақстан құрамасы Коста-Рикадан 6:1, Литвадан 3:0 есебімен басым болса, Венесуэламен 1:1 есебімен тең ойнады. Одан кейін 1/8 финалда Таиландтан 7:0 есебімен басым түсіп, ширек финалда Иранды 3:2 есебімен сүріндірді. Ал жартылай финалда Португалиямен овертаймда 2:2 есебімен тең түсіп, пенальти тебуде қарсыласына жол берді. Қазақстан құрамасы бұдан бұрын әлем чемпионаты финалдық сатысында екі мәрте бақ сынады. 2000 жылы бірінші кезеңнен аса алмаса, 2016 жылы 1/8 финалға дейін жетті.

Источник: ҚазАқпарат

читайте также