Иран бизнесі Ақтөбе облысындағы мал шаруашылығына инвестиция салады

05 Апреля 2016 1896 Ақтөбеоблысы, Иарн, инвестиция, малшаруашылығы

Алматы. 5 сәуір. Ақпараттар орталығы. Иран мен Ақтөбе облысының бизнес-қауымдастықтарының ауыл шаруашылығы саласындағы ынтымақтастығының болашағы мәселелері өңір басшысы Бердібек Сапарбаевтың «Агро Ай Групп» ЖШС бас директоры Тавакол Эбрахиммен кездесу барысында талқыланды, деп хабарлады облыс әкімінің баспасөз қызметінен.

Хабарда айтылғандай, Ираннан келген кәсіпкерлер алаңы 40 гектар болатын жылыжай құрылысы үшін, сондай-ақ 10 мың басқа дейін ірі қара мал мен 100 мыңға дейін қой ұстауға арналған мал шаруашылығы фермасына қолайлы жағдай іздестіруде.

2015 жылы Ақтөбе облысы мен Иранның тауар айналымы кедендік статистика ақпары бойынша 17,4 млн долларды құрады.

«Ақтөбе облысының агроөнеркәсіп саласын дамытуға әлеуеті жоғары, соның ішінде өндіріс пен ауыл шаруашылық дақылдары мен етті қайта өңдеу саласында да. Өңірде сонымен қатар егіндікке жарамды 1 млн гектардан астам жер мен 30 мың гектардай суармалы жер бар. Бұл ретте 100 мың гектардан астам жерді суармалы сумен қамту мүмкіндігі де бар», - деді Б. Сапарбаев.

Кездесу қорытындысы бойынша Ираннан келген инвесторлар Ақтөбе облысының билігіне өңірде мал шаруашылығын дамытуға бағытталған іскери және ғылыми ынтымақтастық туралы ұзақ мерзімді келісім жасауды ұсынды.

Атап айтсақ, шетелдіктер қой саны мен олардың өнімділігін арттыру үшін қой тұқымын қайта түрлендіру бойынша ортақ шараларды қолға алуға қызығушылық танытты. Аталмыш келісім ирандық бизнесмендердің Ақтөбе облысына жасаған келесі жұмыс сапарына дейін қаралады деп күтілуде.