Маңыстаудағы турқалашыққа 30 млрд еуро салынғаны туралы ақпар жалған болып шықты

30 Мая 2016 1770 Маңыстау, туризм, Кендірлі, инвестиция

Алматы. 30 мамыр. Ақпараттар орталығы. Маңғыстау облысындағы туристік қалашықтың құрылысына кейбір «неміс инвесторлары» 30 млрд еуро салғалы жатыр деген ақпар жалған болып шықты.

Бұған дейін бірқатар қазақстандық БАҚ «неміс инвесторларына» сілтеме жасай отырып, Маңғыстаудағы Каспий теңізі жағалауындағы «Кендірлі» курорты жай ғана демалыс аймағы емес, 200 мың тұрғыны бар қалаға айналады деп хабарлаған болатын.

Олар бастапқы кезде 600 миллион еуроға дейін салады деп жоспарлануда, ал жобаның соңына қарай ол сома 30 миллиард еуроға жетеді деп мәлім етті.

Кейін ҚР даму және инвестиция министрі Әсет Исекешев Facebook-тегі өз парақшасында «30 млрд доллар инвестиция аудару дегеніміз» мүмкін қате шығар деп  түзетті.

«Шындығында   Analoga GmbH, CESA Invest –тен тұратын Неміс компаниялар консорциумы Кендірлі курортының дамуына инвестиция салу мүмкіндігін қарастырып жатыр. Бүгінгі таңда тек бірінші келіссөздер ғана өтті және неміс инвесторлары Қазақстанның инвестициялық климатымен және заңнамасымен танысуда», - деп атап өткен министр.

Оның айтуынша, бірінші кезеңде, яғни 2020 жылға дейін, консорциум алғашқы 4 мейманхананың құрылысына 500 млн еуро инвестициялайды және соның ішінде бір топ туристерге қызмет көрсетуге арналған концессиялық келісім негізінде шағын әуежай құрылысы да бар.
«Жалпы инвесторлар курорт (алдағы 10-15 жылда) өз бетінше курорттық қалашық ретінде дамитын болады деп күтудеі. Ал Үкімет секілді, инвесторларға да шешім қабылдау үшін уақыт керек», - деп жазады Ә.Исекешев.

Белгілі қаржыгер Айдан Кәрібжанов та өз блогында осыған қатысты ойымен бөліскен.
Мәтінді толық келтіріп отырмыз.

«Адамдар, қырағы болыңыздар.

Туристік нысан құрылысына 30 млрд еуро салатын «неміс инвесторлары» туралы ақпаратты оқыдым. "200 халқы бар жаңа қала" қазір жоқ болып кеткен «Каспий энергетикалық хабын» еске түсіреді, жер жүзін дүр сілкінткен жоба, оның мақсаты -шамалап мемқаржысын бөлу, оны жалақы, таныстырылым және макет дизайны ретінде жеу. Шамалап дегеніміз– бұл, шынына келгенде оншақты миллион доллар. Және, оның қорытындысы бойынша, өкінішке орай, ешкім түрмеге отырған жоқ.

Сонымен, Бүкіл Deutsche Bankтің нарықтағы бағасы 30 млрд. Ал бүкіл Lufthansaныкі барлығы алты миллиард. "Неміс инвесторларының" жобасының ауқымдылығын түсінесің бе? Бес Люфтханза!

Тағы да, тоқсаныншы жылдардағыдай, Сомали пираттарының, араб шейхтары мен Гонконг триадтарының қаржысын тартып, миллиардтаған долларға қаржыландыратын алаяқтар шықты. Олар тағы да бастықтардың сеніміне кіріп, «ортақ қызмет туралы шартқа» тұрып, үстелден күміс елеуішті ұрлап алуға тырысады. Дұрысы ондайларды теледидардан айтпақ түгілі, табалдырықтан аттатпау керек. Тек «қылмыстық хроника» бөлімінде сөз қылмасақ.