Назарбаев Қазақстанның халықаралық елдік рейтингін нығайтуға шақырды

29 Января 2016 1281 Назарбаев, Рейтинг, Қазақстан

Алматы. 29 қаңтар. Ақпараттар орталығы. Қазақстан кез келген қаржы міндеттемелерін орындауды білдіретін «3-А» халықаралық елдік рейтингке жетуге ұмтылуы тиіс, деп мәлімдеді Қазақстан президенті Нұрсұлтан Назарбаев, деп хабарлады премьер-министрдің баспасөз қызметінен.

«Біз алдымызға абсолютті мақсаттар қоя білуіміз қажет: «3 А» халықаралық елдік рейтингке жету — бұл жоғары деңгей, ол әлемдік бизнес тілінде Қазақстанның кез келген қаржы міндеттемелерінің кез келген экономикалық міндеттемелерде орындалуын білдіреді», — дедіН.Назарбаев Астанадағы «Нұр Отан» партиясының кезектен тыс 17-ші съездінде сөйлеген сөзінде.
«Нұр Отан» партиясының кезектен тыс 17-ші съезді Астанада Тәуелсіздік сарайында өтіп жатыр.
Хабарда айтылғандай, съезд барысында заңнамаға және пария жарлығына сәйкес ҚР Парламенті Мәжілісінің депутаттығына үміткерлердің партиялық тізімі бекітіледі.
Сонымен қатар, съезд шешіміен «Нұр Отан» партиясының жаңа сайлауалды бағдарламасы қабылданатын болады. Аталған құжат «100 нақты қадам» Ұлт жоспарының, ұзақ мерзімді «Қазақстан-2050» Стратегиясының, «Нұрлы жол» мемлекеттік бағдарламасының жүзеге асырылуын қамтамасыз ету бойынша 2021 жылға дейінгі бес жылға партия қызметінің негізгі бағытарын анықтайды.
Жиынға 2 мыңнан астам адам жиналды. Олардың ішінде республиканың барлық өңірлеріндегі конференцияларда сайланған делегаттар, мемлекеттік басқару органдарының, ұлттық холдингтердің басшылары, білім, ғылым, мәдениет және спорт қайраткерлері, дипломатиялық корпус, үкіметтік емес және жастар ұйымдары, бастауыш партия ұйымдарының өкілдері мен БАҚ бар.