«Қапшағай» су қоймасында жағдай тұрақты

01 Апреля 2021 1454 Социум

Фото:Хабар 24

Алматы. 1 сәуір. Ақпараттар орталығы - Бүгінгі күні «Қазсушар» РМК Түркістан филиалы су нысандарының жағдайы тұрақты бақылауда, деп хабарлайды Хабар 24.

Су тасқыны кезеңін қауіпсіз өткізу бойынша шаралар тұрақты түрде жүргізіліп отыр, деп хабарлады ЭГТРМ баспасөз қызметі.

Биыл 31 наурызда толассыз жауған жаңбыр әсерінен «Қапшағай» су қоймасына 32,14 млн м3-ге дейін су жиналған болатын. Осыған байланысты «Қазсушар» РМК Түркістан филианының мамандары, Бәйдібек ауданының жергілікті әкімшілігі, Түркістан облысы ауыл шаруашылығы басқармасы, сондай-ақ төтенше жағдайлар департаментінің қызметкерлері шұғыл тексеру жұмыстарын жүргізіп, бақылауға алды.

Айта кетсек, Бәйдібек ауданындағы «Қапшағай» су қоймасының жобалық көлемі – 34,5 млн м3. 31 наурыз күнгі таңғы мәлімет бойынша нөсер жаңбырдан кейін қоймаға келген су көлемі 47,4 м3/сек болып, жиналған су көлемі 32,14 млн м3-ге жетті. «Қапшағай» су қоймасының 31 наурыздағы сағат 17:00-дегі мәліметке сәйкес жағдайы су қоймасына келген су көлемі 20,0 м3/сек, жиналған су көлемі 33,7 млн м3. Қапшағай су қоймасындағы бөгетте су өткізу қабілеті секундына 120,0 текше метр болатын қалыпты су деңгейінде (НПУ) өз еркімен су тастайтын апатты қашыртқы бар.

Түркістан магистарлды каналы «Тұран су» шаруашылық жүргізу құқығындағы мемлекеттік коммуналдық мекемесі меншігінде. Бүгінгі күнгі таңғы мәлімет бойынша Бөген су қоймасынан Түркістан магистралды каналына шыққан су көлемі – 40,0 м3/сек. Қапшағай су қоймасынан Түркістан магистралды каналына төнетін ешқандай қауіп жоқ. Қапшағай су қоймасы мен Түркістан магистралды каналының арақашықтығы – 65 шақырым. Түркістан магистралды каналына Қапшағай су қоймасынан шыққан су көлемінің жету уақыты 2 тәулікті құрайды.

«Қазіргі таңда ешқандай қауіп қатер жоқ. Арнайы техника тексерілді және инертті материалдар қоры жасақталды, байланыс құралдарымен толық қамтамасыз етілді. Су қоймасының техникалық жағдайы қанағаттанарлық. Тәулік бойы кезекшілік ұйымдастырылып, су қоймасы толық бақылауға алынды. Тиісті мамандар кестеге сәйкес жұмыс істеуде», - делінген хабарламада.

Источник: Хабар 24

читайте также