Қазақстанда ЖЭК саласында халықаралық стартаптар байқауы өтеді

24 Мая 2016 5219 Экономика, Бизнес Қазақстан, стартап, жаңартылмалыэнергия

Алматы. 24 мамыр. Ақпараттар орталығы. Қазақстанда «ЭКСПО-2017» көрмесін өткізу аясында Энергетика министрлігі жаңартылмалы энергия көздері (ЖЭК) саласында халықаралық стартаптар байқауын өткізеді, деп мәлімдеді ведомство басшысы Қанат Бозымбаев Астанадағы жаңартылмалы энергия көздері жөніндегі 1-ші саммит барысында, деп хабарлады премьер-министрдің сайтынан.

«ЭКСПО-2017» аясында Энергетика министрлігі ЖЭК саласында халықаралық байқау өткізеді, шараны жүзеге асыру үшін үздік мұнай компанияларын тару көзделуде, олар ЖЭК дамытуына үлес қосуы тиіс», - деді Қ.Бозымбаев.

Ол, ҚР Энергетика министрлігінің Қазақстанда ЖЭК орналастыру мәселесіне қатысты ЖЭК нысандары өңірлерінің бәсекеге қабілеттілігін арттыру арқылы жоспар тетігін әзірлеп жатқанын айтты.

Министрдің айтуынша, ЖЭК саласында үздік елдердің барлығы ЭКСПО-2017 көрмесіне қатысуын растады. «Болашақ энергиясы» тақырыбына арналған шараға Қытай, Үндістан, Германия, Швейцария және Таяу Шығыс елдері мен энергияның баламалы көздеріне ставка жасап отырған басқа да елдер қатысады.

«Әлемдік тәжірибені, әлемдік технология мен интеллектіні ескерер болсақ, Қазақстан үшін бұл ЖЭК саласын дамытуда таптырмас мүмкіндік», - деп атап өтті Қ. Бозымбаев.

Сонымен қатар, ол ҚР Энергетика министрлігінің Қазақстанда БЭК дамыту мақсатында аукциондар тетігін енгізу мүмкіндіктерін талқылап жатқанын айтты.

«Энергетика министрлігі елімізде алдағы уақытта БЭК дамыту мақсатында қоғамдастықпен аукциондар тетігін енгізу мүмкіндіктерін талқылауда», - деп мәлімдеді министр.

Министрдің айтуынша, аукционды енгізу бір жағынан жобалар мен инвесторларды іріктеу үдерісінде ашық әрі түсінікті жасауға, екінші жағынан технологиялар мен жобалардың неғұрлым тиімділеріне ставка қоюға ыңғайлы болмақ, ол ақырғы түтынушылардың тарифіне ықпал етуді азайтуға, генерация кезінде секілді, тұтынуды беру кезінде де нарық қатысушыларының жауапкершілігін анықтауға мүмкіндік береді.

читайте также