Қазақстанда санавиация әуе кемелерін тексеруден өткізеді

28 Января 2016 1482 Прокуратура, Санавиация, Тексеру

Алматы. 28 қаңтар. Ақпараттар орталығы. ҚР Инвестиция және даму министрлігі (ИДМ) көлік прокуратурасымен бірлесе отырып санитарлық авиацияда пайдаланылып жүрген барлық әуе кемелерін тексереді, деп хабарлады ведомствоның баспасөз қызметінен.

Хабарда айтылғандай, министрлікте Алматы облысында BО-600N тікұшағының апатқа ұшырау себептерін тексеру жөнінде комииссия құрылды. Еске салсақ, Үшарал — Талдықорған бағдары бойынша рейс атқарып бара жатқан әуе кемесінің 2016 жылғы 27 қаңтарда апатқа ұшыраған болатын. Тікұшақтың бортында 5 адам болған – пилот В. Кондратюк, дәрігер — гематолог Б. Кайсанова, фельдшер Г. Хамитова, К. Әбілқасым және Б. Әбілқасым. Қаза болғандардың мүрделері мен түкұшақтың қалдықтары Талдықорған қаласы әуежайынан 18 шақырым жерден табылған.
2016 жылғы 27 қаңтарда сағат 18:00-де (Астана уақыты бойынша) алынған алғашқы хабарлауға қарағанда аталған борт, экипаждың 18 шақырым қашықтықтан 500 метрге дейін төмендегендігі туралы хабардан соң белгіленген қону алаңына жетпеген.
Хабарда айтылғандай, ҚР инвестициялар және даму министрлігі көлік прокуратурасымен бірлесе отырып санитарлық авиацияда пайдаланылып жүрген барлық әуе кемелерін жаппай тексерістен өткізуді бастайды.
Сонымен қатар, тікұшақтың иесі «Свинецстрой» ЖШС; әуе кемесінің эксплуатанты «Авиакомпания «АSПАН» АҚ,
Баспасөз қызметінің ақпарынша, тікұшақ 1997 жылы шығарылған. 10.11.2016 жылға дейінгі ұшуға жарамдылығы жөнінде 10.11.2015 жылы берілген сертификаты болған. Пилот Виталий Кондратюк жалпы ұшып өткені 2943 сағат 35 мин, өз бетінше ұшқаны 2622 сағат.