Қазақстандық фермерлер несиені оңай алу үшін кооперативтер құрады

26 Мая 2016 1621 Қазақстан, фермерлер, несие,

Алматы. 26 мамыр. Ақпараттар орталығы. Павлодар облысында өңірдегі астық өндіруші-шаруашылықтар алғашқы Ертіс маңы кооперативін құрды, деп хабарлады «ҚазАгро» холдингінің баспасөз қызметінен.

«Ертіс Агро» ӘКК жаңа бірлестігіне 44 ауыл шаруашылық өнімін өндіруші кірген, олардың жалпы егістік алаңы облыстың негізгі астық егетін аудандарындағы 140 мың га құрайды.

«Шаруалар уақытында қаржыландырудың арқасында топырақты өңдеу жұмыстарын аяқтап, астық және жемшөп дақылдарын егуді бастады», - деп атап өтті баспасөз қызметінен.

2015 жылы «ҚазАгро» Ұлттық холдингі шағын және орта агробизнес үшін несие ресурстарына қол жетімділікті ұлғайту мақсатында ауыл шаруашылық өнімін өндірушілерді қаржыландырудың жаңа схемасын әзірлеп, пилоттық режимде іске қосты.

«Оның мәні мынада: біріккен шаруалар несие қаржысын алады, ал кооператив мүшелерінің бір-бірінің алдындағы жауапкершілігі оның қайтарылатынына кепіл болмақ» - деп атап өтті «ҚазАгро» Ұлттық басқарушы холдингі» АҚ басқарушы директоры Қанат Жауымбаев.

Бүгін республикада «ҚазАгро» қаржылай қолдауының арқасында елдегі астық егетін төрт өңірдегі 222 шаруашылықты біріктерген 10 ауыл шаруашылығы өндірісінің кооперативтері құрылып, егістік жұмыстарына кірісті.

«Біз ауыл шаруашылық кооперативтерін қаржыландыру банктік бизнес үшін болашағы бар бағыт деп санаймыз. Аграрлық саланы несиелеу әркез жоғары тәуекелдерге ие, сондықтан коммерциялық банктер мұндай жобаларға байыппен келеді. «ҚазАгро» холдингі ұсынған схема фермерлерді бірігуге шақырады, бұл ретте банктердің кредитор ретіндегі тәуекелі төмендейді», – деді Павлодар облысы «Bank RBK» АҚ филиалының директоры Раушан Секербаева.

2016 жылы көктемгі-егістік жұмыстарын қолдау аясында «ҚазАгро» ұлттық холдиинг компаниясының тобы егістік жұмыстарын жүргізу және жалпы республика аграршыларын қолдауға 60 млрд тенге бюджет кредитін жұмсады, олар займ ретінде холдингтің еншілес ұйымдары мен екінші деңгейлі банктер арасында бөлінген.

Бүгінгі таңда холдинг компаниясына республикадағы ауыл шаруашылық өнімдерін өндірушілерден шамамен 48 млрд теңгеге 1 555 өтінім келіп түскен. Осы келіп тұскен өтінімдер арасынан бүгінгі күні 1 515 – і мақұлданды, оның ішінде 1 410-ы қаржыландырылды, оған 49,9 млрд теңге жұмсалды.