Қазақстанның бірінші сауда үйі Ауғанстан астанасында ашылды

31 Марта 2016 1762 Ауғанстан, Қазақстан, саудаүйі

Алматы. 31 наурыз. Ақпараттар орталығы. Қазақстанның сыртқы сауда палатасының ықпалымен отандық тауар өндірушілер өз өнімдерін «Ауғанстан Экспо Орталығы» ірі сауда-көрме павильонында тегін қоя алады, деп хабарлады ұйымның баспасөз қызметінен.

Хабарда айтылғандай, 2016 жылдың 29-31 наурызы аралығында құрамында агроөнеркәсіп кешені мен тамақ өнеркәсібі саласының, мұнай өнімдері саласының өндірушілері бар қазақстандық делегация Кабул қаласына барды.

Іскери сапар аясында бизнес-форум өткізу, В2В форматында екіжақты кездесу өткізу, Қазақстанның сыртқы сауда палатасы мен Ауғанстан Ислам Республикасының Сауда-өнеркәсіптік палатасы арасындағы ынтымақтастық меморандумына қол қойылады деп күтілуде.

Сауда палатасының ақпарынша, АИР 2004 жылы 570 млн АҚШ долларының тауарын экспорттады, ал импорт көлемі 7 млрд. долларды құрады.

Былтырғы жылдар нәтижесі бойынша Қазақстан Ауғанстаннан 3 млн АҚШ долларының тауарын импорттады. Қазақстанның Ауғанстанға экспорты 333 млн АҚШ долларын құраған. Негізінен ол ұн мен мұнай өнімдері.

«Қиындықтар мен тұрақсыз саяси жағдайға қарамастан Ислам республикасы Қазақстанмен әріптестікке дайын екенін білдіреді. Бұл Қазақстанға да, Ауғанстанға да кіріс әкелуі мүмкін біздің елдердің сауда-экономикалық қатынастарының дамуының жаңа мүмкіндігі», - деді Қазақстанның Сыртқы сауда палатасы басқармасының төрағасы Меирбек Мәжитов.

Ауғанстанның Сауда-Өнеркәсіп Палатасы басқармасы төрағасының орынбасары   Хан Ян Алкозай палатаның сауда үйі арқылы Қазақстанмен сауда қарым-қатынастарын дамыту үшін Ауғанстан кәсіпкерлерін толықтай қолдайтынын мәлім етті.

«Қазақстандық кәсіпкерлермен тығыз сауда байланысын дамыту үшін жақын арада біз Астанада да осыған ұқсас сауда үйін ашуды жоспарлап отырмыз», - деді ол.

Ол Ауғанстаннан Қазақстанға экспорт 9,2 млн долларды, ал Қазақстаннан импорт – 400 млн. құрады. Алкозай, сондай-ақ, АИР қазақстандық кәсіпкерлер үшін кен орындары мен ауыл шаруашылығы үшін үлкен көлемде инвестициялық мүмкіндіктер ұсынатынын айтты.

«Қазіргі сәтте, 44 қазақстандық фирма Ауғанстанға шамамен 30 млн. $ инвестициялаған. Сауда үйі қазақстандық кәсіпкерлерге елдегі түрлі экономикалық салаларға барынша көп қаржы инвестициялауға түрткі болады», - деп атап өтті Ауғанстанның Инвестицияны қолдау агенттігінің басшысы Мухаммад Курбан Хакджу.

Сауда палатасының ақпарынша, Қазақстан мұнай, газ, тамақ өнімдері мен құрылыс материалдарын Ауғанстанға экспорттап, кілем, жеміс-жидек пен құрғақ жемістерді импорттайды.