Қазақстанның интернет қауымдастығы С. Матаевтың құқығын қорғауды талап етуде

25 Февраля 2016 5038 Политика, Экономика, Бизнес, Право Матаев

Алматы. 25 ақпан. Ақпараттар орталығы. «Қазақстанның интернет қауымдастығы» заңды тұлғалар бірлестігі тергеуге қадағалау мен ерекше бақылауды қамтамасыз ету, Сейтқазы Матаевтың құқығының қорғалуын қамтамасыз ету талабымен Бас прокуратураға жүгінді.

«Қазақстан қоғамдастығының Сейтқазы Матаевтың ұсталуына байланысты үндеуі

Алматы қаласы бойынша сыбайлас жемқорлыққа қарсы іс-қимыл Ұлттық бюросы 2016 жылдың 22 ақпанында ҚР Журналистер одағы басқармасының төрағасы, «Ұлттық баспасөз клубы» қоғамдық бірлестігінің басшысы, «Қазақстан интернет қауымдастығы» ЗТБ мүшесі Сейтқазы Матаевқа қарсы аса ірі көлемде бюджет қаражатын жымқырған және аса ірі көлемде салық төлеуден жалтарған деген күдікпен қылмыстық тергеуді бастап, оны ұстады.

Біз жүргізіліп жатқан тергеуге баға бермейміз және айыптаулардың негізділігін де талқылауға тырыспаймыз. Алайда – Қазақстандағы белгілі журналист және қоғамдық қайраткерге, біздің елде ғана емес, шетелдегі әріптестері мен саяясаткерлер арасында да зор бедел мен үлкен абыройға ие Сейтқазы Матаевқа қарсы экономикалық сипаттағы тергеудің оның ұсталуына себеп болуы мүмкін еместігін мәлімдегіміз келеді. Оның атына қатысты айыптаулар экономикалық сипатқа ие және сөз бостандығын шектеуге, ҚазТАГ ақпараттық агенттігі мен Ұлттық баспасөз клубының қызметін тоқтатуға жасалып отырған әрекет ретінде түсінілуі мүмкін. Өкінішке орай С.Б.Матаевқа қатысты тергеудің саяси ангажирленуі бұқаралық ақпарат құралдарында қарқынды түрде басымдыққа ие болып барады.

«Қазақстан интернет қауымдастығы» заңды тұлғалар бірлестігі Бас прокуратураға тергеуге қадағалау мен ерекше бақылауды, Сейтқазы Матаевтың құқығының қорғалуын қамтамасыз ету және тергеуге барынша ашықтық пен жариялылықты қамтамасыз етуді талап етеді. Қазақстанның интернет қауымдастығына осы іс бойынша тек тексерілген ақпаратты ғана жариялауды, сенімді дерек көздеріне ғана жүгінуді, тергеу барысын барынша егжей-тегжейлі және толық жария етуді сұраймыз.

Біз сонымен қатар ҚР мемлекеттік қызмет істері Министрлігінің басшыларының назарын заң бойынша адамды қылмыскер деп тек сот қана айта алатынына аударғымыз келеді. Сондықтан Матаевтың әрекеттеріне бүгін таратылған құжатта көрсетілгендей «Матаевтар жасаған сыбайлас жемқорлық және экономикалық қылмыстар ауыр болып табылады» деген сияқты баяндаулардан тартынуларын сұраймыз. Кінәсіздік презумпициясы біздің әрқайсысымыздың құқықтарымыз бен еркіндігімізге кепілдік береді. Сот шешіміне дейін адамды қылмыскер деп жариялауға болмайды»

читайте также