ҚазМұнайГаз басқару құрамының 7 деңгейін қысқартуды жоспарлауда

07 Апреля 2016 1800 ҚазМұнайГаз, транформациялау

Алматы. 7 сәуір. Ақпараттар орталығы. «ҚазМұнайГаз» ҰК АҚ басқарма төрағасы Сауат Мыңбаев ұлттық компанияны транформациялау барысында басқару деңгейін 9-дан 2-ге дейін қысқарту керек екенін хабарлады.

ҚазМұнайГаз компанияны транформациялау бағдарламасының бірінші кезеңін қорытындылады, деп хабарлады ҚМГ-ның баспасөз қызметі.

С. Мыңбаев атап өткендей, трансформацияның бірінші жылы ҚМГ-ның қазіргі ахуалын, мүмкіндіктері мен әлеуетін шынайы бағалауға мүмкіндік берді.

Оның айтуынша, қазіргі уақытта компанияның жаңа операциялық моделі концептісі дайындалған. Оған сәйкес, «ҚазМұнайГаз» директорлар кеңесі арқылы активтерді басқаратын портфельді инвестор концептісінен бас тартып, өндірістік активтерді белсенді операциялық басқаруға көшуі керек.

Ұлттық компания басшысы атап өткендей, ҚМГ-да басқару деңгейлерін азайту керек. Қазір олардың саны 9, ал ең жақсысында ҚМГ корпоративті орталығына субхолдингтерді біріктіру арқасында 2 қалу керек.

«Бұдан басқа, ҚМГ-ның жаңа операциялық моделінде жеке қолдау үрдістері, бірінші кезекте – ақпараттық технологиялар, ал болашақта – есепшілік пен қазынашылық шығарылатын Жалпы қызмет көрсету орталығын жасау көзделген», - делінген баспасөз қызметінің хабарламасында.

Cонымен қатар хабарланғандай, С.Мыңбаев жаңа операциялық модель «ҚазМұнайГаздың» нәтижелілігін арттыруға, қызметтердің қайталануының алдын алуға мүмкіндік беретіндігін, қабылданатын шешімдер жылдамдығы мен нәтижелілігін арттыратындығына сенім білдіретінін атап өтті.

Айта кетерлік жайт, «КМГ Глобал Солюшнс Б.В.» ҚР ЖШКФ – «ҚазМұнайГаз» ҰК АҚ-ның ҚМГ Трансформациясы бағдарламасын жүзеге асырумен айналысатын еншілес ұйымы.

«Компания ұжымына ағымдағы жұмыстарынан толықтай босатылуы шарттарымен «ҚазМұнайГаз» компаниялар тобының ең жақсы мамандары, сондай-ақ трансформацияны қосқанда ірі халықаралық мұнай және газ жобаларында қатысу тәжірибелері бар сыртқы сарапшылар кірген», - деп атап өтті ҚМГ-ның баспасөз қызметі.