Қорғаныс министрлігі ҚР оңтүстігіндегі әскерлерді дабыл бойынша көтерді

16 Февраля 2016 1504 Дабыл, ҚорғанысМинистрлігі, Әскерлер

Алматы. 16 ақпан. Ақпараттар орталығы. Бүгін «Оңтүстік» өңірлік қолбасшылығында Оңтүстік Қазақстан, Жамбыл және Қызылорда облыстарының аумағында орналасқан әскерлердің жауынгерлік әзірлігін кенеттен тексерудің бірінші кезеңі басталды, деп хабарлады ҚР Қорғаныс министрлігінің баспасөз қызметінен.

Хабарда айтылғандай, «Оңтүстік» өңірлік қолбасшылығының бөлімдері мен Қызылорда облысының Қорғаныс істері жөніндегі департаменті дабыл бойынша көтерілді.
Әскерлер оқу-жаттығу тапсырмаларын пысықтап, оқу-жаттығу полигондарына шыға отырып, 5 шақырым қашықтыққа құрамдастырылған тәсілмен марш жасады.
Тараздан Отарға шамамен 160 бірлік техника жіберілді. Сондай-ақ Луговой станциясынан Отарға дейін артиллериялық эшелондарды тиеу жүргізілді. Қызылордада дабыл бойынша Қызылорда облысының Қорғаныс істері жөніндегі департаменті, қаланың қорғаныс істері жөніндегі басқармасы және облыстың қорғаныс істері жөніндегі бөлімдері көтерілді.
«Алынған белгіге сәйкес штаб және құқық қорғау, арнайы органдардың қызметкерлері, сондай-ақ Қазақтелеком мен Қызылорда облысының жергілікті атқару органдарының қызметкерлері хабардар етілді. Ал жаңадан құрылған арнайы мақсаттағы бөлімше оқу-жауынгерлік тапсырмаларды орындау кезінде іс-қимылдардың үйлесімділігін пысықтады», — делінген хабарда.
Тексеріс шеңберінде әскерлерді таңсық полигондарға жөнелту жүзеге асырылды. Бұл жерлерде жақын күндері оқу-жаттығулардың белсенді фазасы басталады.
Хабарда түсіндірілгендей, тексерістің негізгі мақсаты қойылған жауынгерлік тапсырмаларды орындау кезінде бөлімшелердің іс-қимылдарының үйлесімділігін бағалау болып табылады.
Хабарда айтылғандай, жауынгерлік әзірлікті тосыннан тексеру бүгінгі күні Қарулы Күштердің шынайы жауынгерлік әзрлігін айқындаудың пәрменді әрі батымды тәсілдерінің бірі, сондай-ақ әскерлердегі істердің шынайы жай-күйін зерделеудің маңызды үлгісі болып табылатынын айта кетейік. Кенеттен тексеру кезінде бөлімшелердің іс-қимылдарының үйлесімділігіне, әрбір жауынгердің өзінің орағытуын білуі және шебер орындауы, әскер түрлері мен тектері арасында басқаруды ұйымдастыру, өзара іс-қимыл және байланыс мәселелеріне ерекше назар аударылады.