ҚР Қорғаныс министрлігінде мерзімді сарбаздарды жаңа мамандықтарға оқытады

03 Февраля 2016 1526 Мамандық, Оқыту, Сарбаздар, ҚорғанысМинистрлігі

Алматы. 3 ақпан. Ақпараттар орталығы. ҚК Әуе қорғанысы күштері 44841 әскери бөлімінің оқу-жаттығу орталығында кіші мамандардың курстық даярлығы өтуде, деп хабарлады ҚР Қорғаныс министрлігінен.

Аталмыш курс 2016 жылдың басында басталды және осы жылғы сәуірдің соңына дейін жалғасады. Бұл уақыт аралығында мерзімді қызметтегі 200-ден аса әскери қызметшіні оқытып-үйрету жоспарлануда.
Болашақ мамандарды Әскери-әуе күштерінің, ӘШҚҚ әскерлері мен байланыс әскерлерінің әскери бөлімдері үшін дайындауда. Мерзімді сарбаздар дизельші, электр орнатушы, радиолокациялық станция операторы, әуе нысаналарын қолмен сүйемелдеу операторы сияқты кәсіпті меңгереді, авиациялық қару-жарақтың, радиоэлектрондық жабдықтың, зениттік-зымырандық және радиотехникалық әскерлер мамандықтарын зерделейді..
Жарты жыл ішінде курсанттарға жалпы пәндер, яғни, дене даярлығы, жалпыәскери жарғылар, функционалдық міндеттерді білуі және әскери педагогика пәні бойынша сынақтар тапсыруға тура келеді. Оқу аяқталысымен оқу-жаттығу орталықтарының кіші мамандары өздігінен және ауысым құрамында жауынгерлік кезекшілікті қамтамасыз ету, қару-жарақ пен әскери техниканы жөндеуді қамтамасыз ету жөніндегі тапсырмаларды орындай алады, сондай-ақ оның қауіпсіз пайдаланылуын қамтамасыз етеді.
Хабарда айтылғандай,бүгінгітаңда 44841 әскерибөліміндеоқуүшінжақсыоқу-материалдықбаза, мамандандырылғансыныптар, қару-жарақтың, техниканыңтораптарыменагрегаттарыныңсұлбаларыбар.
«Әскери бөліміміздің базасында жоғары білікті оқытушылар құрамы қызмет етеді. Олар ұдайы оқу-материалдық базаны жетілдіреді, техникалық оқыту құралдарының заманауи кешендерін кеңінен енгізе отырып, оқу үдерісін компьютеризациялау дәрежесін арттырады», – деді 44841 бөлімінің командирі полковник Бауыржан Жиенбаев.
ҚР ҚК Әуе қорғанысы күштері бас қолбасшысының басқармасында атап өткендей, өткізіліп жатқан іс-шаралар әскерлердің кіші мамандардағы қажеттілігін толыққанды қанағаттандыру үшін тұтастай жағдай жасауға бағытталған.
«Жауынгерлік оқудағы және қызметтегі жетістіктерімен болашақ мамандар еліміздің қорғаныс қабілеттілігін нығайту жолындағы ортақ істе сүбелі үлес қосатын болады», — деген сенімде ҚР Қорғаныс министрлігінде.