Қытайлық инвесторлар Алматыда құны 2 млн доллар тұратын жиһаз зауытын салады

23 Мая 2016 1732 Қытай, инвестор, Алматы, жиһаззауыты

Алматы. 23 мамыр. Ақпараттар орталығы. ҚХР Чанду қаласы Синьду өнеркәсіптік ауданының инвесторлары Алматының Алатау ауданындағы жиһаз зауытының құрылысына 2 млн доллар салуға ниетті, деп мәлім етті Чэнду ауданының депутаты Ян Джилай Қытай-Қазақстан сауда-экономикалық конференциясы барысында, деп хабарлады ortcom.kz.

«Біздің 40 жиһаз компаниямыз біраздан бері Алматымен әріптес болып келе жатыр. Және біз сіздің қаладағы Алатау ауданындағы сауда үйінің құрылысына 1 млн теңге бөлдік, соның арқасында біз ресми түрде қазақстандық сауда желісіне кірдік. Қазір Қазақстан-Қытай өнімін шығаратын зауыт салғымыз келеді. Осылайша, біз Алматымен ғана емес, сіздің елдің басқа да қалаларымен әріптес болғымыз келеді, сосын Кеден одағы аясында экспортқа шығу ойымыз бар», - деп атап өтті Ян Джилай.

Конференцияда сауда қатынастары туралы екі жақты келісімге қол жеткізіліп, Синьду ауданының жиһаз Қауымдастығы мен Алматының сауда және инвестиция палатасымен арада өнім сапасы бекітілді.

«Қытаймен ынтымақтастықта біз екі бағытты көрдік. Біріншісі-біз көршіміз және Жібек жолының бойында тұрмыз, сондықтан бізде әлемдік деңгейде ортақ өнімдерімізі шығару мүмкіндігіміз бар. Екіншісі – қытайлық туризм нарығы. Алматыда 135 қонақ үй бар, олар 4,5 млн қонақты қабылдап, орналастыра алады. Біз қытайлық туристердің біздің қалада, жалпы біздің елде демалуға қызығушылық танытатынын көріп жүрміз, және 4,5 млн қонақтың жартысы Қытайлық деп үміттенеміз. Туристер – олар еліміздің болашақ инвесторлары, себебі туристер көп болған сайын, абаттандыруға да соншалықты көп қаржы құйылады», - деп аяқтады сөзін Алматы қаласының туризм және ішкі байланыс басқармасының басшысы Тимур Дүйсенғалиев.