Қызылорда облысында «Өз үйім» бағдарламасын жүзге асыру басталды

01 Февраля 2016 2420 Бағдарлама, ТұрғынҮй, ҚызылордаОблысы

Алматы. 1 ақпан. Ақпараттар орталығы.Тұрғын үй құрылыс жинақ банкінің «Өз үйім» деп аталатын жаңа бағдарламасы Қызылорда облысынан бастау алды. Осы бағдарлама аясында Қызылорда қаласында 40 мың шаршы метрді құрайтын 12 көпқабатты тұрғын үй салынатын болады, деп хабарлады облыс әкімінің баспасөз қызметінен.

Хабарда айтылғандай, 31 қаңтарда Қызылорда облысының әкімі Қырымбек Көшербаев пен Тұрғын үй құрылыс жинақ банкінің басшысы Айбатыр Жұмағұлов 600 пәтерлік 15 көп қабатты үйдің құрылысын бастауға рұқсат берді. Тұрғын үйлерді пайдалануға беру ағымдағы жылдың тамызына жоспарлануда.
Меморандумға қол қою барысында облыс әкімі Жұмағұловқа өңірдегі тұрғын үй құрылысына белсенді қатысып жүргені үшін алғысын білдірді.
«Мен тұрғын үй құрылысының біздің облыстан бастау алғанына қуаныштымын. Қызылордалықтар атқарылған жұмыстардың нәтижесін көріп отыр деп ойлаймын. Өткен жылы облыс орталығында тұрғын үй құрылысы 8 есеге артты, осы салаға 22 млрд. теңге инвестиция тарттық. Биыл да бұл көрсеткіш кем болмайды. Осылайша біз тұрғын үй мәселесін шешуге үлкен үлес қосамыз. Біз, өз кезегінде, құрылыс пен инфрақұрылым тартуға жер бөлуді қамтамасыз етеміз», — деді өңір басшысы.
Банк басшысы әкімге қолдауы үшін алғыс айтып, Қызылордадағы тұрғын үй құрылысының жоғары қарқынын атап өтті.
«Біздің бағыт бойынша Қызылорда облысы кқшбасшылар үштігіне кіреді. Бұл ретте құрылыс сапасы жоғары және үйлердің барлығы белгіленген уақытынан бұрын пайдалануға берілді», — деді А.Жұмағұлов.
Сонымен қатар, бүгін Қызылордада «Бәйтерек» Ұлттық басқарушы холдингі» АҚ-ның қаржыландыруымен «Сәулет» мөлтек ауданында 350 пәтерді құрайтын 7 көпқабатты тұрғын үйдің алғашқы іргетасы қаланды.
«Осылайша қазірдің өзінде 2016 жылы мыңға жуық қызылордалық отбасы қоныс тойын атап өтеді деуге болады», — деп атап өтті әкімдікте.
Баспасөз қызметінде еске салғандай, Орталық коммуникациялық қызметінде желтоқсандағы брифингте Қызылорда облысының әкімі жаңа жылда өңірде 2 мыңнан кем емес пәтер салынады деп мәлім еткен еді.