Республикалық маңызы бар жолдардың бойында қызмет көрсететін 35 кешен салынады

10 Сентября 2020 1442 Транспорт

Алматы. 10 қыркүйек. Ақпараттар орталығы - Алдағы уақытта Қазақстандағы республикалық маңызы бар автомобиль жолдарының бойында қызмет көрсететін заманауи 35 кешен салынады, деп хабарлайды ҚазАқпарат.

Бұл туралы ҚР Индустрия және инрақұрылымдық даму министрлігінің Facebook парақшасынан белгілі болды. Онда а талмыш жобаның Қазақстан Президенті Қасым-Жомарт Тоқаевтың республикалық маңызы бар жолдарды 2025 жылға дейін сапалы қызметпен қамтамасыз ету жөніндегі тапсырмасын орындау аясында қолға алынғаны айтылған.

Осы ретте ҚР Индустрия және инфрақұрылымдық даму министрлігі «QazAvtoJol» ҰК» АҚ мен «Compass» ЖҚС желілері компаниясы арасында Жол бойындағы қызметті дамыту саласындағы ынтымақтастық және өзара іс-қимыл туралы келісімшартқа қол қойған. Келісімшартқа қолды «QazAvtoJol» ҰК» АҚ Басқарма төрағасы Ұлан Әліпов пен «Compass» ЖҚС компаниясының акционері, «Kusto Group» директорлары кеңесінің серіктесі мен мүшесі Оразхан Қарсыбеков қойды. Аталмыш рәсімге сондай-ақ, министр Бейбіт Атамқұлов, вице-министр Берік Қамалиев пен Автомобиль жолдары комитетінің төрағасы Сайранбек Бармақов қатысты.

Құжат республикалық маңызы бар автомобиль жолдарының бойында қызмет көрсететін заманауи 35 кешеннің құрылысын қарастырады. Кешен жанармай құю станциясы, ауыр жүкті тасығыш көліктер мен автобустарға арналған кең паркинг алаңы, 80 орынға лайықталған фуд-корт, тауарлар мен автобұйымдардың кең ассортименті ұсынылған Express Market-пен жабдықталатын болады. Жоба 4200 адамды тұрақты жұмыс орнымен қамтымақ. Инвестициялардың жалпы мөлшері 30 млрд теңгені құрайды.

«Әлемдік үздік тәжірибені қолдана отырып, қазақстандық «Compas» бренді көпфункционалды қызмет саласында жоғары нәтижелерге қол жеткізді, Нұр-Сұлтан, Алматы, Ақтөбе және Қызылорда қалаларында 11 кешенді тұрғызды. Министрлік пен ұлттық оператор өз тарапынан жол бойында қызмет көрсететін аталмыш нысандардың құрылысын жүргізуде, олардың алаңдарына одан әрі қызмет көрсетуде қолдау танытуға дайын»,-делінген хабарламада.

Источник: ҚазАқпарат

читайте также