ШҚО әкімі Ахметов қазақстандық көліктердің Моңғолияда сатылуы туралы келісуде

16 Марта 2016 1521 Ахметов, БипекАвто, Көліктер, Моңғолия, Сату

Алматы. 16 наурыз. Ақпараттар орталығы. Шығыс Қазақстан облысының әкімі Даниал Ахметов жұмыс сапарымен Монғолияда болып, ел премьер-министрі Цэрэндашийн Оюунбаатармен кездесті. Кездесу барысында тараптар автомобиль өндірісі саласындағы екіжақты серіктестіктің келешегін талқылады.
ШҚО ақпараттар орталығы хабарлағандай, Д. Ахметов пен Ц. Оюунбаатар автомобиль өндірісі саласындағы екіжақты серіктестіктің келешегін талқылады.
Моңғолия тарапы Моңғолия аумағында қазақстандық «БИПЭК АВТО–АЗИЯ АВТО» компаниясының автокөліктерін сату және оларға қызмет көрсету желісін құруға қатысуға ұсыныс жасады.
«Келіссөздер қорытындысы бойынша жақын арада Моңғолия мемлекетіне аталмыш сұрақ бойынша нақты ұсыныстар жасасу үшін арнайы жұмыс тобы жіберілетін болады», — делінген хабарда.
Хабарда айтылғандай, «БИПЭК АВТО – АЗИЯ АВТО» — Еуразиялық одақтың автокөлік нарығына шығу жоспарын сәтті іске асырған бірінші қазақстандық компания. 2015 жылы қазақстандық холдинг еліміз бойынша 15 және Ресей қалаларында өзінің 11 авто орталық жүйелерін ашты.
«БИПЭК АВТО – АЗИЯ АВТО» қазақстандық холдингінің келісім шарттық аумағы 7 мемлекетті, соның ішінде Қазақстан мен 84 млн тұрғыны бар Ресейдің азиялық бөлігін қамтиды.
Холдингтің Қазақстанның сыртында қалыптастырған сату және сервистік желісі Өскемен қаласындағы «АЗИЯ АВТО Қазақстан» АҚ алаңында құрылысы жүріп жатқан толық циклді көлік өндірісінің экспорттық инфрақұрылымына негіз болады.
Бұған дейін де ШҚО әкімі Даниал Ахметов Әзірбайжан Республикасының Премьер-министріАртур Раси-Задемен, Қырғыз Республикасының Премьер-министрінің орынбасары Олег Панкратовпен және Тәжікстан Республикасының премьер-министрінің орынбасары Азим Ибрахиммен осы мақсатта келіссөздер жүргізген болатын.