Солтүстік Қазақстанда жастар полицияға қылмыскерлерді ұстауға көмектеседі

26 Февраля 2016 1678 ПолицияныңЕріктіКөмекшілері, СолтүстікҚазақстан

Алматы. 26 ақпан. Ақпараттар орталығы. Бүгінгі таңда Петропавл қаласының ІІБ әкімшілік полиция бөлімі 140 адамнан тұратын полицияның ерікті көмекшілерінің 5 жасағына жетекшілік етеді, деп хабарлады СҚО ІІД баспасөз қызметінен.

Полицияның ерікті көмекшілері – олар жігіттер мен қыздар, жастары 18-23 аралығында. Оқудан бос уақыттарында олар учаскелік инспекторлар мен кәмелетке толмағандар ісі жөніндегі инспекторларға қоғамдық тәртіпті сақтау және қылмыспен күресте көмектеседі. Патрульге шығады, рейдтер мен профилактикалық акцияларға қатысады. Петропавл қаласы ІІБ полициясының ерікті көмекшілер жасағының командирі, отставкадағы милиция подполковнигі Петр Аксеновтың айтуынша, жастар полицейлермен бірге аптасына үш рет патрульге шығады, 15 бағыт бойынша. Ал бұл сәтсіз отбасыларға рейдтер жасаумен бірге – әсіресе, заңгерлк мамандығындағы студенттер үшін үздік тәжірибе болмақ.
Петр Аксенов полицияның ерікті көмекшілері арасынан үздігін атауға қиналды. Десек те Мағжан Жұмабаев ат. педагогикалық колледж оқушылары — құқық қорғаушылардың ең белсенді көмекшілері. Олар Петропавл қаласындағы ІІБ полициясының 10 аймақтық қосынына қызмет көрсетеді. Ол студенттік жасақтардың қоғамдық тәртіпті күзету бойынша ерікті жұмыстарының болашаққа жақсы екенін атады: СҚО ІІД кадр жұмысының басқармасы жас мамандарды қуана қабылдайды, әсіресе заңгерлерді.
Тек былтырғы жарты жылда ғана полицияның петропавлдық ерікті көмекшілерінің қатысуымен 27 қылмыстың беті ашылған, түрлі әкімшілік құқықбұзушылықтар үшін 160-тан астам хаттама толтырылған.