Түркияның Анталия жағалауында халықаралық "Need For Fest" фестивалі ашылады

15 Июля 2016 2178 Культура туркия, фестиваль

Алматы. 15 шілде. Ақпараттар орталығы. Тамыз айының 12-сі күні Түркияның Анталия жағалауында халықаралық "Need For Fest" фестивалі ашылады. 6 күнге жалғасатын шара әлімнің ең үздік қонақ үйлерінің бірі - "Мардан паласта" өткізілмек, деп хабарлайды "31 арна".

Жерорта теңізінің жағалауында орналасқан "Мардан палас" Осман империясының билеушілері турған сарайлардың прототипімен жасалған. Қонақ үйдің орталық ғимараты - Стамбулдағы түрік сұлтандарының Долмабахче резиденциясының көшірмесі. Одан өзге мұнда атақты "Қыз мұнарасын" көріп, Леонардо да Винчи сызбанұсқасы бойынша жасалған көпірмен жүріп өтуге болады. Отельдің қабырғасы - алтын жалатылған бұйымдарға, төбесі - мөлдір шыныдан жасалған әшекейлерге толы, едені - итальяндық мәрмәрдан қаланған. Сондықтан "Мардан палас" көп көлемде инвестиция құйылған, құрылысына 1 миллиард доллардан астам қаражат жұмсалған қонақ үй ретінде әлемге әйгілі.

Қонақ үй сондай-ақ Еуропадағы ең ірі, аумағы 16 мың шаршы метрге жайылған бассейнімен танымал. Оның айналасын ескекті қайықпен жүзіп өтуге 20 минут уақыт қажет екен. Бұдан бөлек "Мардан паластың" жағажайына Таяу шығыстан ұшақпен арнайы жеткізілетін 9 мың тонналық ақ құм төселген. Күнге қызып, табан күйдірмейтін қасиеті бар оны мейманхана қызметкерлері жыл сайын жаңартып тұратын көрінеді. Қонақ үйде бір тәуілік тұрақтау құны 400 доллардан 16 мың долларға дейін бағаланған. Алайда саяхат компаниясының өкілдері тамыз айында өтетін қазақстандық әзіл фестивалі аясында келуші қонақтарға үлкен жеңілдіктер қарастырылғанын айтады.

"Мардан паласқа" жыл сайын әлемнің 50-ге тарта елінен меймандар келеді. Олардың арасында ірі саясаткерлер мен әлемдік жұлдыздар да бар. ГРАФИКА Әр жылдары бұл мейманханада Пэрис Хилтон, Моника Беллуччи, Шэрон Стоун, Мэрайа Кэри, Дженнифер Лопес, Наоми Кэмпбелл сияқты танымал тұлғалар тұрақтаған. Ал қонақ үйдің құрметті қонақтары қатарынан табылғысы келген көрермендеріміз фестивальге қатысу үшін экранда көрсетілген нөмірлерге хабарласып жолдамаға тапсырыс берулеріне болады.